Jezqazǵan aımaǵy «Saryarqa» gazetiniń 45 jyldyǵyna oraı mereıtoıdy joǵary deńgeıde atap ótti, dep habarlaıdy Qamshy.kz aqparat agenttigi. Uıymdastyrylǵan saltanatty sharada Arqa jýrnalısıkasynyń ardagerleri men aǵa qalamgerler «Saryarqa» («Jezqazǵan týy») gazetine 45 jyl» mereıtoılyq medalimen marapattaldy. Mereıtoı qarsańynda Jezqazǵan aımaqtyq «Saryarqa» gazeti jańa ǵımaratqa ıe boldy. 6 tamyzda gazettiń jańa keńsesiniń saltanatty ashylýy ótken edi. Ardager qalamgerler men gazet qyzmetkerlerin jańa ǵımarattyń ashylýymen qala ákimi Qaırat Begimov, ardager jýrnalıs Qasym Orynbetov, Halyqaralyq «Alash» syılyǵynyń ıegeri, aqyn, «Juldyz» jýrnalynyń bas redaktory Ǵalym Jaılybaı quttyqtady. Almatyǵa burynǵy Jezqazǵan oblystyq «Jezqazǵan týy» gazetinen attanǵan aqyn Ǵalym Jaılybaı gazet mereıtoıyna jyrdan shashý shashty.

Al, mereıtoıda respýblıkaǵa tanymal mesenat, «Altyn júrek» ulttyq syılyǵynyń ıegeri Bekzat Altynbekovtiń demeýshiligimen uıymdastyrylǵan saltanatty dastarhan basynda óńir jýrnalıserine laıyqty qurmet kórsetildi.

Qala ákiminiń orynbasary Zına Aqylbekova ardager jýrnalıser men gazettiń burynǵy qyzmetkerleriniń keýdesine «Saryarqa» («Jezqazǵan týy») gazetine 45 jyl» mereıtoılyq medalin taqty. Medaldiń ázirlenýine jýrnalıs Abdolla Dastanov jetekshilik etetin «Shyndyq» qoǵamdyq birlestigi demeýshilik jasaǵan.

Sondaı-aq, kesh qonaqtaryna gazet mereıtoıyna oraı shyǵarylǵan «AQPARAT AIDYNYNDA. «Saryarqa» («Jezqazǵan týy») gazetine 45 jyl» estelikter jınaǵynyń tabystylaýy da merekelik jıynnyń mazmunyn baıytty.