Haırýllın Arman óziniń feısbýk paraqshasynda Atyraý qalasynda boı kóterip jatqan nysandardyń kórkemdiligine, mán men mańyzdylyǵyna kúmán keltirip, vıdeoúndeý jarıalapty. Atyraý qalasynyń turǵyny "Bizdiń qalaǵa kórkemdik keńes kerek. Sebebi bul obektiler halyqtyń synyn týdyrýda. Ákimdik oıymdy syn dep emes, Atyraýda týǵan turǵynnyń usynysy dep biler. Jaqsylyqty da, ketikti de aıtýymyz tıis" deıdi. Aldaǵy ýaqytta ákimge kirip, munaıǵa qonǵan kóbelekti alyp tastaý týraly usynysymdy aıtamyn degen Armannyń oıy iske asady ma bilmedik. Alaıda  halyqtyń synyna qalǵan bul nysanǵa, sonymen qatar latynsha "Atyraı" bolyp jazylyp ketken sılýetterge Armansyz-aq ákimdiktiń nazary túsip, kóbelektiń kózin qurtyp, qalanyń ádemi atyn qaıta jańǵyrtady degen úmittemiz.