Qalanyń tarıhı ortalyǵyn shaǵyn jáne orta bıznes úshin qaıta qurý qalaı yqpal etkenin almatylyq kásipkerler aıtyp berdi. Almatyda jeti aıdyń qortyndysy boıynsha kishi jáne orta bıznes sýbektilerinen búdjetke túsken salyq túsiminiń ósýi 37 mlrd. teńgege belgilendi. Sonymen birge, jalpy kólemniń úlesi 661,2 mlrd. teńgeni quraı otyryp, qazirdiń ózinde 60% asyp tústi.

Álemdik tájirıbe kórsetkendeı, jaıaý júrginshiler aımaǵynyń transformasıasy trafıktiń orta eseppen 30%-ǵa ulǵaıýyna, al dúkenderdiń aınalymy 17%-ǵa artýyna alyp keledi. Eger Panfılov jáne Jibek Joly kósheleriniń qaıta jóndeýge deıingi ortasha aı saıynǵy aınalymy munda 25 mln. teńgeni qurasa, jóndeýden ótkennen keıin kósheler 37 mln. teńgege deıin ósti. Óz kezeginde kásiporyndarǵa kelý 40%-ǵa ósti.

Mysalǵa, eger ótken jyly avtokólikti Panfılov kóshesinde 18 bıznes nysany jumys istese, búginde júrginshiler kóshesinde bul san 30-ǵa deıin ósti. Óz kezeginde Arbatta bul kórsetkish eki ese ulǵaıdy. Iaǵnı, bir jyl ishinde tek eki kóshedegi saýda men qoǵamdyq tamaqtanýdyń nysandar sany 26-dan 43-ke deıin ósip otyr.

Panfılov kóshesiniń qaıta qurylýy bıznestiń sapasyna qalaı áser etkeni jóninde «Meloman» kompanıasynyń bas dırektory Vadım Golenko aıtyp berdi.

«Bizdiń dúken Gogol-Panfılov kósheleriniń qıylysynda 2001 jyldan bastap jumys isteıdi. Bul jyldary adamdar strıt-rıteılderge, sodan soń saýda ortalyqtaryna ketse, qazir jaqsy sán oryndaryna barady. Bizde mynadaı statısıkaǵa qarsy shyqqan oqıǵa bolǵan. Qaıta jóndeýden soń buryn bolmaǵan kitaptardyń satylý ósimi bastaldy. Bizdiń elimiz boıynsha dúkenderimiz kóp. Qazir Panfılov kóshesin Qazaqstannyń basqa qalalarymen salystyrýǵa kelmeıtindeı etip jasady», - dep kórsetti Vadım Golenko.

Onyń sózinshe, qaıta jańartylǵan Panfılov kóshesinde oryndyqta kitap oqý adamdar shetelden kórip júrgenmen sáıkes keledi.

«Búginde Panfılov boıymen qydyrý – bul mádenı-estetıkalyq oqıǵa jáne kitaptardyń formaty osy sýretke tolyq sáıkes keledi. Sondaı-aq, Panfılov kóshesin týrısik tartymdylyqqa aınaldy dep aıtýǵa bolady. Bizde aǵylshyn tilindegi ádebıetterdiń satylymy ulǵaıýda. Bul sheteldik qonaqtardyń paıda bolǵanyn kórsetedi. Ózimnen bilemin, Panfılov kóshesin jóndeý kezinde bizdiń dúkende saýda tómendep ketken bolatyn, biraq biz bul jaǵdaıdyń ýaqytsha ekenin túsindik. Qalalyq bıliktiń tańdaǵan baǵyty naqty nátıjelerge ákeledi. Jáne mundaı jaǵdaıda - bul bizdiń dúkenniń satyp alýshylarynyń rızashylyqtary», - dep qosty ol.

Eske túsiremiz, bıylǵy jyly Almatyda qalanyń tarıhı ortalyǵyn qaıta jóndeý jalǵasýda.

Eger ótken jyly Panfılov, Jibek Joly, Gogol, Qabanbaı batyr, Tólebaev, Báıseıtova jáne «Astana» alańy jóndeýden ótse, bıylǵy jyly

Abaı, Abylaı han, Dostyq, Nazarbaev, Jeltoqsan dańǵyldary, «Almaty-2» vokzaly aýmaǵy jáne Respýblıka saraıy aldyndaǵy alań jóndeýden ótetin bolady.

Sońǵy úsh jylda 524 kóshe men 800 km asa ınjernerlik júıeler salynyp, jóndeýden ótti. 3787 aýlanyń 1400-i qamtylyp, kúrdeli jóndeýden ótti.