Memleket basshysy búgingi kezdesý Iadrolyq synaqtarǵa qarsy halyqaralyq is-qımyl kúni ótip otyrǵanyna toqtalyp, bul kúndi belgileýge Qazaqstannyń bastamashy bolǵanyn aıtty.
– Bári de 1991 jylǵy 29 tamyzda álemdegi eń iri ıadrolyq synaq alańynyń jabylýynan bastalǵan bolatyn. Sodan keıin Nevadada jáne basqa da polıgondarda synaqtar toqtatyldy. Biz ıadrolyq qarý-jaraqtan bas tarttyq jáne sonyń arqasynda antıadrolyq qozǵalys kóshbasshylarynyń qataryna qosyldyq, – dedi Nursultan Nazarbaev.
Lassına Zerbo Qazaqstan Prezıdentimen kezdesýdiń osy kúni ótýiniń sımvoldyq mánin atap ótip, ózi jetekshilik etetin uıymnyń jer betindegi ıadrolyq synaqtarǵa qarsy turý jáne beıbitshilikti saqtaý jolynda kúsh jumyldyra beretinin málimdedi.
Memleket basshysy kezdesý sońynda Qazaqstannyń antıadrolyq bastamalaryna únemi atsalysyp júrgeni úshin L.Zerboǵa alǵys bildirdi.
