Saýl "Kanelo" Alvares qazaqstandyq boksshy Gennadıı Golovkınmen jekpe-jektegi jeńisinen keıin eki kún ótkennen soń álem chempıony tıtýlynan aıyryldy dep jazady Qamshy.kz aqparat agenttigi Sports.kz saıtynyń deregin negizge alyp.
Golovkın Alvarespen jekpe-jek kezinde jeńiliske ushyrap, onyń WBA Super, WBC jáne IBO tujyrymdary boıynsha álem chempıony belbeýleri qarsylasyna ótti. Alaıda olardyń barlyǵy birdeı meksıkalyq boksshyǵa berilmedi.
Alvares Halyqaralyq boks uıymyna (IBO) sanksıalyq jarnany tóleýden bas tartqandyqtan atalmysh tıtýl bos qaldy. "Kanelo" WBA Super, WBC álem chempıony belbeýin, WBC arnaıy belbeýi men The Ring jýrnalynyń belbeýin ıelendi.
GGG – "Kanelo" ekinshi kezdesýinde Golovkın tóreshiler sheshimimen jeńiliske ushyrady. Boksshylardyń alǵashqy jekpe-jegi teń eseppen aıaqtalǵan bolatyn. Qazaqstandyqtyń bas bapkeri Abel Sanches keıinirek úshinshi jekpe-jek 2019 jyldyń 5 mamyrynda ótýi múmkin ekenin habarlady.
