Temirtaý qalasyndaǵy Ulttyq ulannyń 5516 áskerı bóliminiń aǵa leıtenanty D.Bektibaev pen aǵa serjant K.Berdıarov kúndizgi 12:00-ler shamasynda jol jıeginde kele jatyp, kómek surap aıǵaılaǵan daýysty estıdi.

Jan ushyra shyqqan jaısyz daýys kóshe boıyndaǵy kafelerdiń birinen shyqqan bolatyn. Shuǵyl kómekke kelgen áskerılerge kýágerler kisi ólimi oryn alǵanyn aıtyp, kúdikti qashyp ketken baǵytty kórsetedi. Ulandyq sarbazdar oqıǵa jelisin saralaı kelip, kúdiktiniń bazarǵa qaraı bet alǵanyn tez túsinip, sońyna túsedi. Aǵa  leıtenant D.Bektibaev qashqyndy qýyp jetip, jekpe-jek saıysynyń ádisin qoldana otyryp, kúdiktini tyrp etkizbeı quryqtaıdy. Keıinnen kafe qyzmetkerleriniń shaqyrýymen Temirtaý qalalyq İİB tergeý tobynyń mamandary oqıǵa ornyna kelip, tutqyn quzyrly organ ókilderine tapsyryldy.

Ulttyq ulan baspasóz qyzmeti