Keshe keshkisin saǵat 20:30 shamasynda Astana qalasyndaǵy Abylaı han kóshesiniń boıynda qoǵamdyq qaýipsizdikti qadaǵalap júrgen Ulttyq ulannyń 5573 áskerı bóliminiń áskerı jasaǵy 9 qabatty turǵyn úıdiń terezesinde otyrǵan er adamdy baıqaıdy.
Jasaq bastyǵy qatardaǵy jaýynger Ádilet Nurbaev rasıa arqyly jedel baılanysqa shyǵyp, bıikten qulaý arqyly óz-ózine qol salmaq bolǵan kisi jaıly aqparatty kezekshi bólimge habarlaıdy. Sodan soń ulandyq jaýyngerler Ádilet Nurbaev pen Aıbek Almahanov jáne Narıman Ahmet dereý toǵyzynshy qabatqa kóterilgende terezeden tómen sekirýge yńǵaılanyp otyrǵan er adamdy kóredi.
Sarbazdar ózderine senimdi keıipte ári ábjil áreket etip, azamatty ajal aýzynan qutqaryp qaldy. Keıinnen ol tıisti sala mamandarynyń óz deńgeıinde jumys júrgizýi úshin Almaty aýdandyq İİB qyzmetkerlerine tapsyryldy.
Ulttyq ulan baspasóz qyzmeti
