16 qyrkúıekte Almaty qalasynyń kúnin toılaý kezinde Qazaqstan Respýblıkasy Tuńǵysh Prezıdentiniń saıabaǵynda «Eń úzdik aýla tazalaýshy» baıqaýynyń jeńimpazdaryn marapattaý saltanaty ótti. Megapolıs turǵyndary kúnde qalanyń tazalyǵyn saqtaýǵa tikeleı at salysyp júrgen aýla tazalaýshylarmen tanysyp, olardyń aýyr jumysy úshin alǵysyn bildirýge múmkindik aldy.

Baıqaý 6 jyl qatarynan júldegerler men jeńimpazdardy tańdap, gúlzarlar men jasyl kóshetterdi tegistep, sharbaq pen jıektasty syrlap, aýlany taza ustap júrgen aýla tazalaýshylardy 6 jyl qatarynan marapattap keledi. Jyl saıynǵy baıqaýdy «Naǵyz almatysha» qoǵamdyq qory «Efes Qazaqstan» SHS AQ-nyń demeýshilik qoldaýymen uıymdastyrady.

«Efes Qazaqstan» SHS AQ korporatıvtik qatynastar departamentiniń dırektory Shyńǵys Qaskeev bıyl dıplom men aqshalaı júldeni baıqaý jeńimpazy Rozakova Toqtyhanǵa tabystady. Bul názik kelinshek onyń aýlasy eń taza ekenin talaı márte dáleldep keledi. «Meniń jumysym maǵan úlken jaýapkershilikti artady. Aýla tazalaýshy – bul jaqsy kásip, negizi oǵan kóbisi mán bere bermeıdi. Aýlany tazalap, oǵan qaraǵan kezde kóziń qýanady. Keıbir turǵyndar tazalyq úshin rahmetterin de aıtyp turady. Men óz jumysymdy jaqsy kóremin».

Ekinshi oryn úshin dıplom men aqshalaı júldeni Govorov Andreı ıelendi. Jastaıynan múgedektikke shaldyqqan ol ózine tapsyrylǵan aýmaqty minsiz tazalyqta ustap, óz jumysyn uqyptylyqpen, úlken yqtıarmen atqarady. Úshinshi oryn úshin úsh júlde Ushyrov Shárıpke, Ábimov Amangeldige, Lazareva Galınaǵa tabystaldy.

«Aýdannyń eń úzdik aýla tazalaýshysy» ataǵy, syılyq sertıfıkaty jáne dıplom bıyl kelesi jumysshylarǵa tabystaldy:

«Efes Qazaqstan» kompanıasy korporatıvtik áleýmettik jaýapkershilikke úlken kóńil bóledi. Máselen, «Eń úzdik aýla tazalaýshy» jobasyn biz 6 jyl qatarynan qoldap kelemiz. Jobanyń basty maqsaty – bizdiń súıikti qalamyz Almatynyń tazalyǵyn saqtaýǵa tikeleı úlesin qosyp júrgenderdi yntalandyrý, - dep atap ótti Shyńǵys Qaskeev. – Aýla tazalaýshylardyń birneshe aılyǵy kólemindegi eleýli aqshalaı júldege qosa, biz jeńimpazdardy saltanatty ortada marapattap, osylaısha olarǵa degen úlken qurmetimizdi bildirgimiz keledi».

Aýqymdy baıqaýdyń birinshi kezeńi 15 mamyrda bastalyp, 15 maýsymǵa deıin jalǵasty. 200-den asa ótinim jınaldy. Ekinshi kezeń, ıaǵnı daýys berý 15 maýsym – 15 tamyz aralyǵynda ótti. Árbir kezeńde almatylyqtar olardyń oıynsha eń úzdik aýla tazalaýshyǵa óz daýystaryn berdi. 70 000-nan asa daýys jınaldy. Baıqaýdyń úshinshi kezeńinde «qupıa tekserýshi» ekinshi kezeńde eń kóp daýys jınaǵan aýla tazalaýshylardyń 30 aýlasyn tekserip shyqty. 11 qyrkúıek kúni komısıa otyrysynda jeńimpazdar anyqtaldy.