25 qyrkúıek kúni Danıar Abylǵazınniń tóraǵalyǵymen «Atameken» QR UKP Munaı-gaz ónerkásibi komıtetiniń 26-otyrysy ótti.

Kezdesýge «Atameken» QR UKP Basqarma Tóraǵasynyń orynbasarlary Eldos Ramazanov pen Rýstam Júrsinov, «KAZENERGY» qaýymdastyǵynyń bas dırektory Áset Maǵaýov, «KAZENERGY» qaýymdastyǵynyń atqarýshy dırektory Rústem Qabjanov, sonymen qatar salalyq qaýymdastyqtar men bıznes ókilderi qatysty.

Birinshi sóz bastaǵan Áset Maǵaýov hattamalyq tapsyrmalardyń oryndalýy  men «KAZENERGY» qaýymdastyǵynyń aǵymdaǵy qyzmeti boıynsha esep berdi. Ary qaraı «KAZENERGY» keńesshisi, «Avantgarde Group» JSHS seriktesi Janat Musabaev «Janar-jaǵarmaı naryǵyn jetildirý. Bırjalyq saýda» taqyrybynda baıandama jasady.

 «Esepteýdiń basy joq, ıaǵnı Qazaqstanda janar-jaǵarmaıdyń «ádil» qunyn anyqtaýdyń tájirıbesi joq, sondaı-aq, «oıyn erejesi» de qalyptaspaǵan. Máselen, baǵaǵa áser etetin qandaı faktorlardy dáıekti deı alamyz? Jáne janar-jaǵarmaı naryǵynyń barlyq sýbektilerinde resýrstarǵa teń qoljetimdilik te joq», – dedi Janat Musabaev.

Baıandamashynyń aıtýynsha, janar-jaǵarmaıdy bırjalyq saýdalaý mehanızmin engizý  búkil naryqqa baǵalyq benchmarkti qalyptastyrýǵa múmkindik berip, bırjalyq mámileler baǵasyn  bırjalyq emes mámileler retinde naryqtyq dep tanýǵa jáne janar-jaǵarmaı resýrstaryna teń qoljetimdilikti qamtamasyz etedi. 

Óz kezeginde «ETS» AQ Basqarma Tóraǵasy Qurmet Orazaev Reseı men Ózbekstannyń bırjalyq naryqty uıymdastyrý boıynsha tájirıbesin mysalǵa keltirip, bırjalyq naryqty iske qosýdyń talaptaryna toqtalyp ketti.

 Jıynǵa qatysýshylar munaı ónimderiniń uıymdastyrylǵan taýarlyq naryǵynda áleýetti qatysýshylardy akredıtteýge qatysty jaıtqa nazar aýdardy. Óıtkeni qatysýshylar sany 80-nen astam kompanıa.

«Muny egjeı-tegjeıli talqylaý kerek dep oılaımyn. Naryqtyń barlyq ókilderin, janar-jaǵarmaı, mazýt boıynsha múddeli taraptardy, sondaı-aq aýyl sharýashylyǵy óndirýshilerdi basyn qosyp, osy máseleni sheshý kerek», – dep usyndy Danıar Abylǵazın.

Kún tártibindegi kelesi suraq – Rústem Qabjanov ekologıalyq zańnamadaǵy ózgerister máselesi boıynsha aǵymdaǵy jaǵdaı týraly habarlady. Búginde QR Energetıka mınıstrligi Ekologıalyq kodeks jobasy men QR «Qazaqstan Respýblıkasynyń keıbir zańnamalyq aktilerine ekologıalyq máseleler boıynsha ózgerister men tolyqtyrýlar engizý týraly» Zań jobasynyń  Tujyrymdamalaryn ázirleýde. Jobanyń ázirlemesi jyl sońyna deıin aıaqtalady dep josparlanǵan. Skpıker salalyq qaýymdastyqtardyń barlyq eskertpeleri men usynystary esepke alyndy dep atap ótti. Sonymen qatar «KAZENERGY» qaýymdastyǵy «Ernst end Iang – konsýltasıalyq qyzmetter» JSHS-men birlesip,  EYDU memleketteri tájirıbesin nazarǵa ala otyryp ekologıalyq zańnamadaǵy ózgeristerge taldaý júrgizip jatyr.

Danıar Abylǵazın zańnamaǵa engizilgen ózgeristerdi esepke alyp, salalyq kásiporyndar tekseriletin bolady, demek, úlken ınvestısıalardy talap etetin jańǵyrtý qajet bolatynyn aıtty.

«Osy spektrde egjeı-tegjeıli túsindirý jumysyn júrgizýdi usynamyn, jan Ekologıalyq kodekstiń saldary qandaı bolatynyn túsindirý kerek. Bıznes ózgersterge daıyn bolyp,  qujatty ázirleý kezeńine belsendi qatysqany jón», – dep sanaıdy Danıar Abylǵazın.

«QazMunaıGaz» UK» AQ ókili jeńil munaı ónimderiniń paıdasy týraly baıandama jasady.

 Pavlodar munaı óńdeý zaýytyn jańǵyrtý jumystary aıaqtalýǵa jaqyn, Atyraý jáne Shymkent munaı óńdeý zaýyttary synaq-ónerkásiptik paıdalaný kezeńinde tur. Jyldyń sońyna qaraı 300 myń tonnaǵa jýyq jeńil munaı ónimderiniń artyqshylyǵy kútiledi.

 Qazaqstan Respýblıkasy men Reseı Federasıasy arasyndaǵy Qazaqstanǵa munaı men munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge sáıkes QR-dan jeńil munaı ónimderin eksporttaýǵa tyıym salynǵan bolatyn. Sondyqtan eksportty jańartý maqsatynda osy Kelisimge ózgertýler ázirlendi. Qazirgi tańda QR-da barlyq ishki memlekettik prosedýralar aıaqtalǵan bolsa, Reseıdegi jaǵdaı Hattamany maquldaý deńgeıinde tur. Ary qaraı bul ózgertilýler ratıfıkasıalanýy kerek. Buǵan qosa QR Energetıka mınıstrligi jeńil munaı ónimderiniń artylǵanyn Qyrǵyzstanǵa tasymaldaý boıynsha máseleni qarastyrýda.

  Alaıda, eksportqa shyǵý máselesi boıynsha jeńil munaı ónimderi úshin áeksporttyq kedendik baj stavkalaryna qatysty túıtkil týyndap otyr. Stavka mólsherin esepteýdi qaıta qaraý kerek. Qazirgi tańda eksporttyq kedendik baj stavkasynyń mólsheri 1 tonnaǵa – 168,88 AQSH dollaryn qurap otyr.

«Benzınge jáne dızel otynyna Eksporttyq kedendik baj stavkasyn munaıǵa arnalǵan Eksporttyq kedendik baj stavkasyna  Reseı Federasıasynyń ádistemesimen uqsastyǵymen tikeleı baılanystyrý qajet. Óıtkeni keıin oryn alǵan dısproporsıa saldarynan qazaqstandyq ónim syrtqy naryqta reseılik ónimmen básekege túse almaıdy», – dep qorytyndylady baıandamashy.

 Qorytyndylaı kele Danıar Abylǵazın bul másele ózekti ekenin, jáne baǵalardyń kúrt ósýin boldyrtpaý maqsatynda naryqtyń ózine taldaý jasaý qajettiligin aıtty.