Atyraýda «Nazarbaev modeli: strategıalyq josparlaý jáne pragmatızm» halyqaralyq ǵylymı-tájirıbelik konferensıasy ótti. Konferensıaǵa 5 memleketten stýdentter qatysty.
Búgin, 19 qyrkúıek kúni Atyraýda oblys ákimdiginiń qoldaýymen H.Dosmuhamedov atyndaǵy Atyraý memlekettik ýnıversıtetinde «N.Nazarbaev: dáýir,tulǵa, qoǵam» Elbasynyń kóshpeli qor kórmesi jobasy aıasynda halyqaralyq konferensıa ótti.. 
İs-sharanyń moderatory QR Tuńǵysh Prezıdenti – Elbasy Kitaphanasy dırektorynyń birinshi orynbasary, saıası ǵylymdarynyń doktory, profesor Ámirhan Rahymjanov óz sózinde Qazaqstannyń ótkeni men búginine toqtalyp ótti.
-SHaranyń basty maqsaty – Elbasynyń ishki, syrtqy saıasattaǵy jetken jetistikterin, alǵysharttaryn, eldiń damý jolyn kórsetý. QR damýyna eldegi barlyq aımaqtar óz úlesterin qosyp otyr. Sonyń ishinde osy sharany Atyraý oblysynda ótkizýdiń ózindik mańyzy bar. Tarıhy baı qazynaly Atyraý iri otandyq jáne shet eldik qor shoǵyrlanǵan úlken mekenge aınalyp otyr. Óz kezeginde el damýyna at salysqan barlyq atyraýlyqtarǵa, oblys basshysyna rızashylyǵymdy bildiremin , – dedi Ámirhan Rahymjanov.
Konferensıada Túrkıa, Iran, Ózbekstan, Reseı jáne Qytaıdan kelgen stýdentter Elbasynyń ishki-syrtqy saıasaty, bastamalary, qazaq eliniń táýelsizdikten keıingi jańa tarıhy týraly baıandama jasady. Jıynǵa qatysqan oblys ákimi Elbasy júrgizgen saıasattyń Qazaqstannyń damýyndaǵy basty qozǵaýshy kúsh ekenin aıtyp ótti. 
- Álemdik saıasatta ózindik orny bar Qazaqstan jolynda bar kúsh-jigerin salǵan N.Nazarbaevtyń eleýli eńbegin búgingi tańda búkil álem moıyndap otyr.Tarıh qoınaýynan uzaq jyldar boıy tolǵatyp,elge baǵdar bergen Elbasynyń syndarly saıasaty arqasynda búginde qazaq eli beıbit ómir súrýde. Búgingi sharamyz sonyń bir dáleli,- deıdi Nurlan Noǵaev. - Biz prezıdenttiń táýelsiz Qazaqstanǵa atqarǵan isiniń ólsheýsiz ekenin túsinýimiz qajet jáne aınalamyzǵa aıta júrýimiz kerek.
«N.Nazarbaev: dáýir,tulǵa, qoǵam» Elbasynyń kóshpeli qor kórmesi jobasy aıasynda oblys aýdandarynda da talqylaýlar men basqosýlar uıymdastyrylady. 
Aıta keteıik, keshe 18 qyrkúıek kúni Atyraýda " N.Nazarbaev: dáýir, tulǵa, qoǵam" Elbasynyń kóshpeli qor kórmesiniń ashylý saltanaty ótti. Kórmeni Sh.Sarıev atyndaǵy oblystyq murajaıda 2 aı kóleminde tegin tamashalaýǵa bolady.