Búgin bilim júıesi, turǵyn úı máselesi, quqyq qorǵaý organdary ózge de ózekti taqyryptardy qaýzaǵan Nazarbaev jer máselesin de nazardan tys qaldyrmady.

«Halyq arasynda mańyzǵa ıe máselelerdiń biri jer qatynastary men qurylys salasyndaǵy búrokratıalyq prosedýralar. Jer qory jóninde birlesken aqparattyq baza qurýdy tapsyramyn. Dereý retke keltirip, jerdi durys paıdalanatyn adamǵa berińder! Bul bir ǵana mysal», - deı kele memlekettik qyzmetshilerdiń jumysyna toqtalyp ótti.

Buǵan qosa Elbasy 2019 jyly memlekettik qyzmettiń 80 paıyzy, al 2020 jyly 90 paıyzy elektrondyq formatqa ótýi tıis ekenin tapsyrdy.

«Bul úshin «Memlekettik qyzmetter» týraly Zańdy retke keltirý kerek», - dedi Elbasy.

Aıta keteıik, Elbasy 5 qazanda Aqorda rezıdensıasynda halyqqa Joldaýyn jarıalady. Joldaýyn jarıalamas buryn Qazaqstannyń búgingi kúnge deıingi jetistikterin tizip, aldaǵy josparlardy atady.

Elbasy Joldaýyn ulttyq telearnalar men Aqordanyń Feısbýktegi resmı paraqshasy tikeleı efırde kórsetti.