4 qazanda Qyzylorda qalasyndaQazaqstan Respýblıkasy QR Mádenıet jáne sport mınıstrligi Til saıasaty komıteti Shaısultan Shaıahmetov atyndaǵy «Til -Qazyna» ulttyq ǵylymı-praktıkalyq ortalyǵy «Jahandaný jaǵdaıyndaǵy til úıretýdiń ınovasıalyq ádis-tásilderi» respýblıkalyq semınaryn ótkizdi.
Semınar jumysyna Til saıasaty komıtetiniń sarapshysy Qonaı Halym, Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyńatqarýshy dırektory Erbol Tileshov, Qyzylorda oblystyq ishki saıasat basqarmasynyń basshysy Talǵat Mahanov, «Til-Qazyna» ulttyq ǵylymı-praktıkalyq ortalyǵy ádistemelik bóliminiń basshysy Sabıra Sapına jáne Astana, Almaty qalalary men oblys ortalyqtaryndaǵy memlekettik tildi oqytý ortalyqtarynyń oqytýshylary men ádiskerleri qatysty.
Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń atqarýshy dırektory Erbol Tileshov «Jańa qazaq álipbıi: ulttyq órkenıet baǵdary jáne jahandyq damýmen sabaqtastyq» taqyrybyndaǵy baıandamasynda til oqytý barysynda basshylyqqa alynatyn jahandyq, zamanaýı ustanymdar men qaǵıdalar týraly, álemdik til úıretý úderisinde damyǵan, al qazaq tilin oqytýda áli kúnge deıin teorıalyq ta, praktıkalyq ta turǵydan júıelenbeı kele jatqan tildiń bastapqy leksıkalyq mınımýmyn anyqtaý, ony tildi deńgeılep oqytý barysynda qoldaný máselesi týrasyndaǵy oılarymen bólisti.
Qaraǵandy oblysy Tilderdi oqytý ortalyǵynyń oqytýshysy Dınara Qýanbaeva qazaq tili sabaqtarynda zamanaýı mýltımedıalyq tehnologıalardy, Playposit, Socrstive, Thinglink onlaın baǵdarlamalaryn qoldanýdyń ádis-tásilderin praktıka júzinde kórsetti.
Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy ádistemelik bóliminiń basshysy SabıraSapına «Latyn grafıkasy negizindegi qazaq tiliniń jańa emle erejelerin oqytý máseleleri» taqyryby boıynsha emle erejeleriniń jobasyn tanystyryp, jazý jobasyndaǵy ózgerister engen jańa erejelerdi mysaldar arqyly túsindirdi. Tyńdaýshylar erejeler jobasyn úlken qyzyǵýshylyqpen qabyldap, keıbir máseleler boıynsha pikirlerin bildirip, emlede sóıleý tiliniń zańdylyqtary saqtalǵandyǵyn, bul óz retinde til úıretý kezinde, ásirese, shet tilderden engen sózderdiń jazylýyn úıretý kezinde ońtaıly bolatyndyǵyn atap kórsetti.
Aqtóbe oblysy Tilderdi oqytý ortalyǵynyń oqytýshysy Altyngúl Táńirbergenova oqytýdyń jańashyl, belsendi ádis-tásilderin jáne qazaq tilin shetel tili nemese ekinshi til retinde oqytý ádistemesi negizinde qurastyrylǵan ınteraktıvti«Lepbook» baǵdarlamasyn tanystyrdy.
Sharada «Atameken» QR UQP Bıznes-kommýnıkasıany memlekettik tilde damytý departamentiniń sarapshy-lıngvısi, fılologıa ǵylymdarynyń kandıdaty Bekzat Dınaeva, Kókshetaý qalasy Tilderdi oqytý ortalyǵynyń oqytýshysy Gúlnar Kajkenova synı oılaý tehnologıasy arqyly jazylym daǵdylaryn meńgertý joldary men qazaq tilin oqytýda elektrondyq, aqparattyq-kommýnıkatıvtik tehnologıalardy paıdalanýdyń tıimdiligin kórsetetin tájirıbelerimen bólisti.
Semınar barysynda usynylǵan ádis-tásilderge Qorqyt ata atyndaǵy Qyzylorda memlekettik ýnıversıtetiniń dosenti, fılologıa ǵylymdarynyń kandıdaty Gúlshat Qamzaeva ǵylymı-ádistemelik saraptama jasap, baǵasyn berdi.
Shara sońynda semınar qatysýshylaryna QR Mádenıet jáne sport mınıstrligi Til saıasaty komıtetiniń sertıfıkattary tabystaldy.
