Oslodaǵy Norvegıalyq komıtet 2018 jyly seksýaldy zorlyqqa qarsy jasaǵan eńbegi úshin Denıs Mýkvege men Nade Mýradqa Nobel syılyǵy berilgenin habarlady, dep jazady Qamshy.kz aqparat agenttigi.    

Nade Mýrad Base Taha – Iraktyń quqyq qorǵaýshysy. BUU-nyń esirtki men qylmysqa qarsy basqarmasynyń erikti izgi nıet elshisi, adam quqyqtary boıynsha Vaslava Gavela júldesiniń laýreaty jáne Andreı Saharovtyń pikir erkindigi júldesiniń ıesi.

Nade Mýrad DAISH-ta seksýaldy quldyqta bolǵan. DAISH sodyrlary Nadeniń turyp jatqan aýylyn basyp alyp, ata-anasyn óltirip, ózin quldyqqa alyp ketken. Nade qashyp ketkennen keıin jýrnalıserge DAISH-tyń adamdarǵa jasaǵan ozbyrlyǵyn, onyń ishinde áıelderdi qalaı qorlap jatqanyn aıtyp bergen. 

Denıs Mýkvege – gınekolog, Qurmet ordeniniń ıegeri. Toppen zorlanǵan áıelderge medısınalyq kómek kórsetetin Panzı aýrýhanasynyń dırektory. Mýkvege gınekologıalyq jaraqattardy emdeıtin eń jaqsy maman bolyp tanyldy.  

Bıyl Nobel syılyǵyna 329 úmitker tirkeldi. Onyń 112-si qoǵamdyq jáne halyqaralyq uıymdar.

2018 jyly Nobel syılyǵynyń sommasy  - bir mıllıon dollar.