QR Úkimetiniń qaýlysymen Anatolıı Valerevıch Shkarýpa QR energetıka vıse-mınıstri laýazymyna taǵaıyndaldy. Buǵan deıin atalǵan qyzmetti atqarǵan B. Jaqsalıev laýazymynan bosatyldy dep jazady Qamshy.kz aqparat agenttigi primeminister.kz saıtynyń deregin negizge alyp.
Anatolıı Shkarýpa 1975 jyly Almaty oblysynda dúnıege kelgen. 1998 jyly Almaty energetıka jáne baılanys ınstıtýtyn «otyn-energetıka kesheni salasyndaǵy ekonomıka jáne menedjment, ınjener-ekonomıst» mamandyǵy boıynsha, 2016 jyly — KAZGÚÝ ýnıversıtetin «quqyqtaný» mamandyǵy boıynsha támamdady.
Eńbek jolyn 1998 jyly «KEGOK» AAQ-da jetekshi maman bolyp bastady, onda 2005 jylǵa deıin bólim basshysy, Josparlaý jáne ekonomıkalyq taldaý departamenti dırektorynyń orynbasary qyzmetterinde eńbek etti.
2005–2013 jyldary Tabıǵı monopolıalardy retteý jónindegi QR agenttigi qurylymynda jumys istedi. Elektr jáne jylý energetıkasy salasynda retteý departamenti dırektory, Agenttik tóraǵasynyń orynbasary qyzmetterin atqarǵan.
2013–2104 jyldary — «TKSH jańǵyrtý men damytýdyń qazaqstandyq ortalyǵy» AQ basqarma tóraǵasy.
2015–2017 jyldary — Qaraǵandy oblysy Saran qalasynyń ákimi.
2017 jylǵy mamyrdan bastap qazirgi tańǵa deıin Qaraǵandy oblysy ákiminiń orynbasary laýazymyn atqarǵan.
