Astana qalasy «Saryarqa» aýdany İİB krımınaldyq polısıa bóliminiń qyzmetkerleri jedel-izdestirý is-sharalaryn júrgizý barysynda qala aýmaǵynda balalar arbasyn urlady degen kúdikpen 24 jastaǵy qyzdy ustady.

Ol qalalyq emhana dálizderindegi arbalardy jymqyryp otyrǵan. Ustalǵan adamnyń 4 arbany urlaǵany anyqtaldy. Kúdikti qymbat arbany jymqyryp, ony dostary men tanystaryna syıǵa tartyp otyrǵan. Kúdikti óz kinásin moıyndady. Urlanǵan arbalar ıelerine qaıtaryldy.

QR QK-niń 188-baby boıynsha sotqa deıingi tergep-tekserý júrgizilýde. Onyń qala aýmaǵynda jasalǵan osyǵan uqsas basqa qylmystarǵa da qatystylyǵy tekserilýde. Astana qalasynyń İshki ister departamenti atalǵan adamnyń zańǵa qaıshy áreketinen zardap shekken azamattarǵa Aqbuǵa kóshesi, 2 mekenjaıy boıynsha «Saryarqa» aýdany İİB-ge nemese tómendegi 8 (7172) 71-66-76, 71-66-74 nemese 102 telefondary boıynsha habarlasýyn suraıdy.