Astanada mas polıseı jaıaý júrginshini qaǵyp ketti, - dep habarlaıdy Tengrinews.kz.

QR İİM resmı ókili Almas Sadýbaev bul málimetti rastady.

Sadýbaevtyń aıtýynsha, Astanada 7 qazanda polısıa qyzmetkeri mas kúıde jeke kóligimen jaıaý júrginshini qaǵyp ketti. «Polıseı oqıǵa ornynan qashyp ketken. Zardap shekken adam aýyr halde aýrýhanaǵa jetkizildi. Jol apatyna kináli adam sol kúni anyqtalyp, ustaldy. Adam qaǵyp ketkennen keıingi onyń áreketi jáne ishki ister organynda qyzmet etetini proses múshelerine áser etpeýi úshin sot sanksıasymen ol eki aı merzimge qamaýǵa alyndy», - dedi İİD ókili.

Mınıstrlik málimetinshe, sotqa deıingi tergeý sharalary QR Qylmystyq kodeksiniń 345-baby jáne 347-baby boıynsha júrgizilip jatyr.

«Sonymen qatar ishki tekserý taǵaıyndaldy, sonyń nátıjesinde polıseıdiń basshylary tártiptik jaýapkershilikke tartylady ne jumystan bosatylady», - dedi İİM resmı ókili. Osy kategorıa boıynsha: « Aqmola oblysynda jylý qazandyǵy jarylyp, 1 áıel men 5 bala zardap shekti Astanada 15 mektep dırektory jazalandy »