Kezdesý barysynda Memleket basshysyna Nú-Iork jáne London qalalarynda ótken ınvestısıalyq forýmdardyń qorytyndylary jóninde esep berildi, dep habarlaıdy Qamshy.kz aqparat agenttigi Aqordaǵa silteme jasap.

Asqar Jumaǵalıev áleýetti sheteldik ınvestorlar úshin birqatar paneldi sesıa ótkizilgeni jóninde málimdedi. Bul basqosýlarda Qazaqstandaǵy jekeshelendirý úderisi, ekonomıkanyń jekelegen sektorlaryna ınvestısıa salý, Uly Jibek jolyn jańǵyrtý, kólik logıstıkasyn damytý jaıy, sondaı-aq sıfrlandyrýdaǵy ınovasıanyń róli men «Astana» halyqaralyq qarjy ortalyǵynyń qyzmeti týraly máseleler talqylandy. 

Sonymen qatar, Premer-Mınıstrdiń orynbasary Memleket basshysyna ınvestısıalyq forýmdar aıasynda ótken eki jaqty kezdesýlerdiń nátıjelerin baıandady.

Nursultan Nazarbaev kezdesý sońynda birqatar naqty tapsyrma berdi.