Elorda da «Qazposhta» AQ uıymdastyrýymen Google kompanıasynyń ókilderi İT-kompanıalarynyń basshylary men mamandary, marketologtar, bıznesmender, otandyq ınternet-dúken ıeleri úshin meet up ótkizdi.
Sharaǵa Kazpost IT-bóliminiń atqarýshy dırektory Bahtıar Muhametqalıev qatysyp, elektrondy damytýǵa atsalysatyn barlyq usynystar men ıdeıalardy Qazposhta árqashan qoldaıtynyn aıtty.
Google kompanıasynyń mamandary qatysýshylarǵa ınternet-tehnologıalardyń mańyzdylyǵyn, atap aıtqanda elektrondy saýda da qandaı mańyzy bar ekenin jetkizdi.
Sondaı-aq, jobalarmen tıimdi jumys isteýi jáne qyzmetkerlerdiń jeke ósýi úshin Google quraldaryn durys paıdalaný jaıynda qyzyqty da mańyzdy málimetterimen bólisti.
Google kompanıasynyń ókili Evgenıı Ganchıts sharaǵa qatysýshylarǵa gýgl izdeý júıesiniń qyr-syrymen tanystyryp ótti.
«Google – bul prosesterdi ońtaılandyrýǵa múmkindik beretin jáne qazirgi kezde qajet nárseni tez arada tabýǵa jaǵdaı jasap otyrǵan, óte aqyldy izdeý júıesi», – dep óz sózin bastady kompanıa ókili Evgenıı.
İzdeý júıesiniń kásipkerge kómegi az ǵana. Odan ári oǵan ınternet tehnologıalar kómek bere alady, jáne de ol elektrondy saýda da óte qajet dúnıe. Evgenıı Ganchıts bul jaıynda óz tájirıbesindegi sátti jarnama arqyly ınternettegi qalyń jurtshylyqtyń nazaryn qalaı aýdarý kerektigin aıtty.
Al, digital-marketıngte jeti jyl tájirıbesi bar Roman Leonov Qazaqstanda, Ázirbaıjanda jáne Qyrǵyzstanda kýpondyq servısti damytýmen aınalysqan. Birneshe jyldan keıin óziniń Peklo agenttigin ashqan.
Sondaı-aq, ol óz sózinde jeke saıtyn qalaı qurý kerektigin, ony qalaı rásimdeý kerektigin aıtyp, barlyq marketologtarǵa mindetti túrde Google Analytics qoldanýǵa keńes berdi.
Meet up-ty digital-agenttikti damytýmen aınalysatyn Asıa Mambetalıeva qorytyndylap ótti. Asıa óz kezeginde Google tıesili YouTube qyzmeti jóninde aıtyp berdi. Basty nazardy jarnamalyq beınerolıkterge qoıýǵa baǵdar berdi.
Búgingi tańda Qazaqstan búkil álemde YouTube-ti kórý boıynsha alǵashqy pozısıalardyń birin alady, sondyqtan bul jarnama úshin tamasha qural. Árbir sekýnd saıyn 1,5 mıllıard kórermen úshin 400 saǵattan astam kontent júkteledi.
«Ortasha eseppen alǵanda kórermen smartfonnan beıne kórý úshin kúnine bir saǵattan astam ýaqyt ótkizedi. Búginde biz sapaly kontentti qalaımyz – bul óz kezeginde jarnama berýshilerdi shaqyrý. YouTube-ta beıne jarnamalardyń kóp túrleri bar. Biraq eń jańalary tómengi jaǵynda kórinip turady», – dedi Ásıa Mámbetalıeva.
Aıta ketelik, qazaqstandyq YouTube-ta kazıno men brendti jarnamalaýǵa tyıym salynǵanyn da kompanıa ókilderi eske salyp ótti.
