Adam balasy úshin eń aıaýly, eń qasterli, qadirli sóz – ana. Bala dúnıege kelgen kúninen bastap óziniń jumsaq alaqany, jyly júzi, ystyq qushaǵy meıirim toly kózqarasy arqyly barlyq súıispenshilik, meıirimdilik mahabbatyn bere bilgen analar úshin jer dúnıeni mekendegen adamzat qaýymy bir kúndi meıram etip belgilegen.
Qazaqstanda da Elbasy 2012 jyly Ana kúni jarıalaý jaıly usynys aıtyp, bekitken bolatyn. Búginde álemniń 50-den astam elinde atalyp ótetinin merekeni qyrkúıek aıynyń úshinshi demalysyna belgilegen. Iaǵnı, bıyl 16 qyrkúıek – Analar kúni.
Maqsat – urpaqty analarǵa degen súıispenshilikke baýlý, ananyń qoǵamdaǵy ornyn, eń qudiretti jan ekenin uǵyndyryp, balalardy meıirimdilikke, analardyń ólsheýsiz eńbegin baǵalaı bilýge úıretý. Anasyn súıý arqyly eline, jerine degen súıispenshiligin arttyrý. Dúnıedegi jaqsylyq ataýlynyń bári kúnniń nurynan, ananyń meıiriminen taraıtynyn uǵyndyrý.
Qazirgi tańda áıelder qaýymy memlekettik jáne qoǵamdyq isterge belsene aralasyp, túrli salada tabysty eńbek etýde. Olar er azamattarmen qatar eńbekke belsene aralasyp, ózderiniń biliktiligimen, qabilet darynymen, iskerligimen kózge túsip, memleketimizdiń ósip-órkendeýine laıyqty úlesterin qosýda. Elbasy N.Á.Nazarbaev: «Qoǵamnyń damý barysyn ómirde – názik, kóńilde – bıik, al iste – myǵym áıelder qaýymynsyz kózge elestetý múmkin emes» degen bolatyn.
Sonyń bir jarqyn dáleli - «Azamattarǵa arnalǵan úkimet» memlekettik korporasıasy Almaty qalasy fılıalynda jumys isteıtin 1533 qyzmetkerdiń 773-i áıelder. Olar – búgingi analar men bolashaq analar. Eshqandaıda qyzmet, ataq-abyroı áıel úshin “Ana” degen sózden artyq emes.
Olar ózderi ana bolǵandyqtan, analar jaǵdaıyn jaqsy túsinedi. Analarǵa arnalǵan qyzmet túrlerin barynsha jetildirip, analarǵa ońtaıly bolý jaǵyna óz úlesin qosyp júr.
Máselen, «Azamattarǵa arnalǵan úkimet» analar úshin jyl basynan beri proaktıvti qyzmet túrlerin usynýda. Usynylǵan qyzmet boıynsha, jyl basynan beri bosanǵan 22409 ananyń 19294-i mobıldik úkimetke tirkelgen. Olardyń 6786-y qyzmetti proaktıvti túrde alýǵa nıet bildirgen. Nátıjesinde 5345 balanyń týý týraly kýáligin, 870 járdemaqyny jáne 1883 balabaqsha kezegine qoıýdy proaktıvti túrde júzege asyrǵan.
Sondaı-aq, korporasıa arqyly qaladaǵy 9139 kóp balaly anaǵa járdemaqy tólenip otyr. Olardyń ishinde 4453-i «Altyn alqa», «Kúmis alqa» jáne t.b. belgilerdiń ıegerleri. Kóńil shýaǵyna meıirim tógilgen aıaýly jannyń ómirden alar nesibe jemisi altyn bosaǵasy men súıkimdi perzenti.
Dúnıede eń kemenger danany,
Ana tabady aıalaıdy baǵady.
Sol úshin de qudiretine bas ıip,
Qurmetteıik qasıetti anany.\
Jer betindegi tirshiliktiń ózegin keleshekke jalǵaǵan, óser urpaǵyna izgiliktiń dánin sepken analar merekesi qutty bolsyn!
