Danıar Kesikbaev pen Malaızıa premeriniń qyzy Nýrıana Nadjveniń toıy eki elde de túrli pikirler tolqynyn týdyrdy. Toıǵa qatysty barlyq suraqtarǵa Kesikbaev jýrnalıs Gúlnár Bajkenovamen suhbatynda jaýap berdi.  

Foto avtory – Qanat Beısekeev

Bul týraly esquire.kz-ke silteme jasap NUR.KZ habarlaıdy.

Kóshiliktiń “nege qazaq qyzyn almady?” degen renishine Kesikbaev ǵashyq júrekke ámir joqtyǵyn aıtty.

“Qaı ult ókili ekendigi mańyzdy emes, eger ómirlik serigińdi jolyqtyrsań, onymen máńgi birge bolǵyń keledi. Keńes ókimeti qulaǵannan beri jurtshylyq shekara asyp, bilimderin shyńdaýda. Shetelden qosaǵyn tabý – tańsyq dúnıe emes. Kezinde bóten aýyldan qyz alǵanǵa da shýlaıtyn halyq qazirde sheksiz mahabbatyń shekara tanymaıtynyna kóz jetkizdi” – deıdi toı ıesi.

Al áleýmettik jelide kópshiliktiń “toı nege Qazaqstanda emes Malaızıada ótip jatyr?” dep tańdanýynyń sebebin Kesikbaev túsinbeıtindigin aıtty.

“Birtúrli suraq eken. Bizdiń dástúr boıynsha aldymen qyzdy uzatyp alyp kelip, sodan keıin óz jerinde toı jasamaı ma? Alǵashqy toı kelinniń jerinde bolýy kerek. Bul qazaqtarǵa da, malaızıalyqtarǵa da birdeı shart. Tek, aıyrmashylyǵy – malaızıalyqtar dástúr boıynsha qyzǵa bir toı emes, birneshe toı jasaıdy. Sońǵysy 4 sáýirde Nýrıananyń ákesi týǵan jerde, Pehangte bolady. Toıǵa negizinen onyń partıadaǵy jaqtastary jınalady. Al Qazaqstanda toı kúni 18 sáýirge burynnan-aq belgilenip qoıǵan”, – dep túsindirdi Danıar.

Bizdiń dástúr boıynsha aldymen qyzdy uzatyp alyp kelip, sodan keıin óz jerinde toı jasamaı ma? Alǵashqy toı kelinniń jerinde bolýy kerek

“Malaızıada turǵyndar saıasatkerlerdiń ashyq bolýyn talap etedi. Sol sebepti premer-mınıstr  jaqyndarymen qosa, barlyq ıtellıgensıany, shendi adamdardy toıǵa shaqyryp otyr. Baıqaǵan shyǵarsyzdar? Toıǵa Taıland pen Indonezıa basshylary, Sıngapýr premer-mınıstri jáne ózgeler shaqyryldy. Qonaqjaılyq tanytyp, qýanyshty bólisýge barlyqtaryn shaqyrý – qoǵamǵa kórsetken syı-qurmettiń kórinisi. Men tek 200 adamdy shaqyram dep aıta almaısyń”, – dep jalǵastyrdy toı ıesi.

Kesikbaev toıdyń qazaqtarda ári ketse 500 adamǵa jasalǵanymen salystyrǵanda malaızıalyqtar 2000-3000 adam shaqyratynyna tańdanysyn jasyrmady. Ol kez-kelgen elge qonaq bolǵanda sol eldiń dástúrin syılaýdy ádetke aınaldyrǵan eken. Kúıeý jigit malaızıalyqtar musylman halyq bolǵan soń, qazaqtarǵa uqsas, jaqyn keletindigin baıqaǵan.

Áńgime barysynda Kesikbaev óz eliniń azamaty ekendigin maqtan tutatyndyǵyn aıtyp, azamattyq jaıly sybysty joqqa shyǵardy.

Foto avtory – Qanat Beısekeev

“Mende malaızıalyq pasport joq, muny jarıalaǵan BAQ qatelesken bolýy kerek. Men óz elimniń ulymyn. Jáne sonymen maqtanamyn!”, – dedi Kesikbaev.

Keremet qyzdy alypty dep shýlasqan jurtshylyqtyń pikirimen kúıeý jigit tolyqtaı kelisedi eken.

“Men olarmen kelisemin, meniń áıelim óte aqyldy, jany jaısań, júregi keń jan. Biz bir-birimizge jaqsy jarasamyz!” – dep aǵynan jaryldy Danıar.

Al jýrnalısiń “sizdiń anańyz óte jiger minezdi jan, anańyz sizge qanshalyqty áserin tıgizýde?” degen saýalyna Danıar “ár balaǵa tikeleı áser etip, aıaǵynan turýǵa kómektesetin birden-bir jan – ana, men anamdy maqtan tutamyn” degen jaýap qaıtardy.

Danıar Kesikbaevtyń sózine sensek, toıda tek kishi baýyry Hanbolat Nazarbaev bolǵanyna qaramastan, qonaqqa barlyq týystary shaqyrylǵan eken.

Aıta keterligi, Danıar Kesikbaevtyń sózine sensek, toıda tek kishi baýyry Hanbolat Nazarbaev bolǵanyna qaramastan, qonaqqa barlyq týystary shaqyrylǵan eken. Alaıda, toı jeri alys bolǵandyqtan kóbi kele almaǵan.

Al 18 naýryzda elimizde ótetin toıǵa barlyq jaqyndary shaqyrylypty. Suhbat berýshi sondaı-aq Qazaqstan prezıdentiniń otbasymen túrli sybystarǵa qaramastan jaqsy qarym-qatynasta ekenin basa aıtty.

Toı prezıdenttik saılaý ýaqytyna jaqyn bolǵanymen, Kesikbaev saılaýǵa keletinin málimdedi.

Foto avtory – Qanat Beısekeev

Ol suhbat barysynda elbasyna daýys beretinin jáne prezıdentimizdiń jaqsy lıder ekendigin aıtty.

Al toı álegi bitkennen keıin, áıeli Harvard Kennedy School men Wharton Business School ýnıversıtetteriniń birinde oqýyn jalǵastyryp, qos ǵashyqtar AQSH pen Malaızıa arasynda turatyndyǵyn aıtty.