Jaqynda Qostanaı oblysynda ekinshi dúnıejúzilik soǵystyń ordeni qoqystan tabyldy. Bul týraly "Qamshy" portaly jergilikti basylymdarǵa silteme jasaı otyryp habarlaıdy.

Tústi metaldardy saýdalaýmen aınalysatyn Qostanaı qalasynyń turǵyny qaladaǵy qoqys tógetin oryndardyń birinen ekinshi dúnıejúzilik soǵystyń ordenin taýyp alǵan. Qalalyq qoqys tógetin kúresinnen  arnaıy temir izdeıtin qurylǵy arqyly baǵaly metal izdep júrgen. Orden qoqysta, áıel azamattyń eski sómkesiniń ishinde jatqan.

Ońaı oljaǵa kenelýshi, ordendi zańsyz jolmen satyp jibermek bolǵanda,  oqıǵa kýágeri Sársen Shupotaev ony raıynan qaıtarǵan. Tipti, ordenge 200 myń teńge usynǵan azamat ta bolǵan.  Keıin, ordenti taýyp alǵandar quqyq qorǵaý organdaryna habarlaıdy. Sondaı-aq, ordenniń artqy betinde arnaıy nomeri bolǵan.

Alaıda, qalalyq quqyq qorǵaý oryndaryna joǵalǵan orden týraly shaǵym túspegen.

Nurzat Toǵjan