Almatyny qatqyl qaldyqtan tazartýǵa ekologtardyń ózderi kiristi. Qalanyń basty tazalyq saqshylary ótken demalysta senbilik jasap, Baým toǵaıyn qoqystan aryltty.

Mamandar baq ishinde qýraǵan butalardy jıyp-berip, aǵash túpterin qopsytty. Al jasyl jelekke erekshe kútim kórsetildi. Bas-aıaǵy, 60 adam jumyldyrylǵan tazalyq sharasynda baqtan 8 KamAZ kúl-qoqys shyǵaryldy. Jalpy, qala ekologtary buǵan deıin 8 saıabaqty tazartyp úlgeripti jáne bul jumystar kúndelikti atqarylmaq.

«Jyl basynan beri 3505 hattama toltyrylyp, 57 mln 900 myń teńge kóleminde aıyppul salyndy. Qala aýmaǵynyń tazalyǵyn qadaǵalaý barysynda kóriktendirý erejesine sáıkes kelmeıtin 48 álbom fotoslaıd retinde jasaldy. 2018 jyldyń basynan bastap qyrkúıek aıyna deıin Qorshaǵan ortany qorǵaý jáne ekologıa bólimi», – dedi Almaty qalasy Qorshaǵan ortany qorǵaý jáne ekologıa bóliminiń basshysy Qaırat Toqtasynov.