Almatyda jartylaı marafon kezinde Sankt-Peterbor gýmanıtarlyq kásipodaq ýnıversıteti Almaty fılıalynyń stýdenti astanalyq Maksım Korolev kóz jumdy dep jazady Qamshy.kz aqparat agenttigi sputniknews.kz saıtynyń deregin negizge alyp.
Jankúıerleri retinde qasynda kele jatqan kýrstastary 18 jastaǵy stýdenttiń "kúres pen jaýyngerlik sambodan" QR sport sheberi kandıdaty, krostan qalalyq spartakıada júldegeri (1 oryn) bolǵanyn aıtty.
Kýágerlerdiń sózine sensek, Abaı kóshesimen júgirip kele jatqan stýdent márege bir kvartaldaı qashyqtyq qalǵan kezde ózin jaısyz sezingen. Oqıǵa ornyna úsh mınýttan keıin jetken jedel járdem dárigerleri onyń kóz jumǵan ýaqytyn belgiledi.
Dárigerlerdiń aıtýynsha, ólim sebebi sot-medısınalyq saraptamadan keıin belgili bolady. Uıymdastyrýshylar marqumnyń týysqandaryna habarlasyp, kóńil aıtty. Ata-anasyna Almatyǵa jetýine kómek kórsetti.
"Smelostbyt pervym" korporatıvtik qorynyń dırektory Saltanat Qazybaeva ádette marafon bastalmaı turyp, qatysýshylardyń marshrýty İİD, jedel járdem stansıasy qyzmetterimen birge anyqtalyp, tıisti jerlerde alǵashqy medısınalyq kómek kórsetý úshin dárigerler turatynyn atap ótti.
"Alaıda osy tragedıadan keıin biz sportshylardy jarysqa jiberý talaptaryn qaıta qarastyramyz", — dedi Qazybaeva.
