Almaty qalasyndaǵy QR QM Radıoelektronıka jáne baılanys áskerı-ınjenerlik ınstıtýtynyń saptyq alańynda 274 áskerı mindettilerdi (zapastaǵy ofıserler) saltanatty túrde shyǵaryp salý jáne jıyndy aıaqtaǵany boıynsha sertıfıkattar tapsyryldy. Saltanatty keshte ınstıtýt bastyǵy polkovnık Mustabekov Asqar Dosbosynuly oqý úderisi kezeńinde úzdik nátıje kórsetken zapastaǵy ofıserlerdi gramotalarmen marapattap, alǵysyn bildirdi.

Áskerı mindettilerdi quttyqtap, sertıfıkattar tapsyrýǵa Áýe Qorǵanysy Kúshteriniń Bas Qolbasshysynyń orynbasary polkovnık Jumagazıev Muratjan Temiruly, general-maıor Orynbekov Múbárak Orynbekuly, general-maıor Starysh Anatolıı Trıfonovıch qatysty.

2018 jyldyń 12 qyrkúıegi men 12 qazan aralyǵynda elimizde tuńǵysh ret Qorǵanys mınstrliginiń bekitilgen keshendi jospary boıynsha Áýe Qorǵanysy Kúshteri, Radıoelektronıka jáne baılanys áskerı-ınjenerlik ınstıtýtynyń oqý ortalyǵynda 300-deı áskerı mindettilermen (zapastaǵy ofıserler) bir aılyq jıyn ótti.

Bir aı boıy jıynǵa qatysýshy áskerı mindettiler radıotehnıkalyq áskerler, baılanys jáne radıonavıgasıa, áýe shabýylyna qarsy qurlyq áskerleri jáne zenıtti zymyrandy áskerler mamandyqtary boıynsha bilimderin shyńdady. Jıynǵa Radıoelektronıka jáne baılanys áskerı-ınjenerlik ınstıtýt bastyǵynyń jaýyngerlik daıyndyq jónindegi orynbasary-basqarma bastyǵy polkovnık Oljabaev Murat Qýatbekuly jetekshilik etti.

Jıynnyń negizgi maqsaty: áskerı mindettilerdiń beıbitten soǵys ýaqytyna kóshirý kezinde barlyq zapastaǵy ofıserlerdiń fýnksıonaldyq mindetterin bilý deńgeılerin jetildirý jáne jaýyngerlik ázirligi men komandırlerdiń qoıylǵan tapsyrmalaryn oryndaý qabilettiligin tekserý, sondaq-aq sheshim qabyldaýda úılesimdilikti arttyrý bolyp tabylady.

Oqý úderisi kezeńiniń alǵashqy aptasynda jalpy áskerı daıyndyq boıynsha áskerı ınstıtýttyń bilikti qyzmet bastyqtary dáristermen túsindirý jumystaryn júrgizse, qalǵan úsh apta boıy mamandyqtary boıynsha bilimderin shyńdady. Áskerı mindettilerge ınstıtýtymyzdyń úzdik oqytýshy-professorlar quramy dáris júrgizdi.

Jalpy bir aılyq jıynǵa elimizdiń barlyq oblystarynan shaqyrylǵan jas shamasy 22-40 aralyǵyndaǵy áskerı mindetti zapastaǵy ofıserler qatysty. Kóbi elimizdiń kórkeıýine qyzmet atqaryp júrgen maman ıeleri. Shaqyrýshylardyń aldyńǵy qatary memlekettik qyzmetkerler, jeke kásipkerler, bıznesmender, aýylsharýashylyq jer ıeleri, munaı, gaz salasy mamandary, oqý-ornyndarynyń oqytýshylary quraıdy.

Rásim barysynda ınstıtýt orkestriniń súımeldeýimen plas-konsert, qarýmen demonstrasıa kórsetiledi.