«ParsToday» Iran Teleradıo birlestiginiń  habarlaýynsha eki el Batystyń qyspaǵynan shyǵýdyń bir tıimdi joly ózara saýda-ekonomıkalyq qatynastaryn kúsheıte otyryp, bir-biriniń qajettilikterin óteý dep uıǵaryp otyr. Keshe Tegeranda Iran Ulttyq standarttar uıymynyń basshysy Nıre Pırýzbaht Reseıdiń Akredıtteý ortalyǵynyń basshysy Alekseı Hersonsevpen kezdesýinde osyndaı resmı málimdeme jasaǵan.

Iran men Reseı barlyq salalar boıynsha memorandýmdar jasap, Tegeran men Máskeý arasynda saýda jeńildikteri artatynyn aıtyp otyr.

Óz kezeginde Reseı ókili Alekseı Hersonsev te Iranmen saýda isterin jeńildetý úshin Reseıden azyq-túlik qana emes, túrli nysandar men elektrondy quraldardan turatyn keıbir zerthanalarynyń Irannyń Ulttyq standarttar uıymy tarapynan resmı túrde qabyldanatyndyǵyna úmit bildirdi.

Sonymen qatar Reseı jaǵy «halal» brendimen shyǵatyn ónimderdi sertıfıkattaý úshin akredıtteý organyn qurýdy da usyndy.

Reseı Federaldyq Keden qyzmetiniń statısıkalyq málimetterinde eki eldiń 2017 jylǵy saýda aınalymynyń kólemi 1 mlrd 400 mln AQSH dollaryn quraǵany aıtylǵan. Munyń ózi az kórsetkish bolmaǵandyqtan, alda Iran men Reseı saýda-ekonomıkalyq qatynastardy odan ary kúsheıtip, bir-birine qoldaý jasaýǵa múddeli ekendikterin kórsetip otyr.