“Qazaqstannyń eń úzdik ártisi” nomınasıasyna usynylatyn bestiktiń esimderi belgili boldy dep habarlady “Mýz-Tv” telearnasynyń bas dırektory Arman Dáýletıarov.
“Mýz-tv 2015. Gravıtasıa” syılyǵyn tabystaý rásiminde arnaıy qazaqstandyqtarǵa arnalǵan nomınasıa qosylǵandyǵyn bilesizder. Oǵan kimder usynylatyndyǵy týraly sarapshylardyń bir aıǵa sozylǵan talqylaýy da aıaǵyna jetti. Qazaqstannyń mýzyka ındýstrıasynda burynnan jumys istep kele jatqan shoý-bıznes ókilderi, mýzykalyq arnalar men radıostansıalardyń basshylary, mýzykanttar men án óńdeýshilerden quralǵan sarapshylar biz usynǵan qazaqstandyq juldyzdar tiziminen ózderiniń bestigin tańdady. “Qazaqstannyń eń úzdik ártisi” nomınasıasyna Janar Duǵalova, Qaırat Nurtas, Nurlan Abdýllın, MýzArt jáne Álı Oqapov usynylyp otyr, – dedi “Mýz-Tv” telearnasynyń bas dırektory.
Onyń aıtýynsha, “Qazaqstannyń mýzykalyq ındýstrıasyn damytqany úshin” degen de arnaıy syılyq nomınasıa qosylyp otyr.
Oǵan kimderdiń usynylatyny aldaǵy ýaqytta jarıalanatyn bolady.
