Qazaqstandyq juldyzdar balalaryna qandaı esim qoıady? Qazaq esimderiniń maǵynasy tereń ári kúrdeli, biraq tarıhtaǵy aıtýly oqıǵalar men túrli jaǵdaılarǵa baılanysty da qoıylatyn nyspylar barshylyq. Ózge tilderden kelgen esimder de qazaq estradasyndaǵy jarqyn juldyzdardyń kóńilinen shyǵyp júr.
@Instagram/karakat_a
Ánshi Qaraqat Ábildınanyń tórt balasy bar: Bekbolat - qazaqtyń tól esimi. "Bek" (el bıleýshi) jáne "Bolat" (aýyspaly maǵynada - berik, myqty, tózimdi) sózderiniń birigýinen quralǵan nyspy. Dúnıege kelgen nárestege "El bılegen myqty azamat bolsyn, kósh bastaǵan serke bolsyn" degen nıetpen qoıylatyn esim. Nuráli - arab tilinen aýdarǵanda "nur" - "jaryq", "kún sáýlesi" degen maǵynany beredi. Al "álı" - bıik, ústem, uly degen maǵynaǵa ıe. Bul esim balanyń bolashaǵy jarqyn, ómiri sáttilikke toly bolsyn degen nıetpen qoıylady. Imanáli - arabtardyń esimi. Aqyn, jýrnalıs Qul-Kerim Elemestiń aıtýynsha, "Imanáli" dinimizdiń senimine qoıylǵan esimderge jatady. Qaraqat pen Qydyráliniń kenjesine berilgen esim - Aısultan. Aısultan - "aı" jáne "sultan" sózderinen jasalǵan esim, maǵynasy - sábıdi aıdaı bolsyn jáne ortasynda sultandaı qadirli bolsyn degen nıetpen qoıylady. Aıta keteıik, Qaraqat pen Qydyráli kenjeleriniń esimin úsh aǵasynyń tańdaýymen qoıǵan eken.
©Vk.com
Ánshi Sáken Maıǵazıev qyzyna Raıana degen esim qoıdy. Raıan - "jumaqqa kiretin qaqpa" degen maǵyna beredi. Raıana esimin Sáken Maıǵazıevtyń anasy da qoldap, osylaı ataýdy jón kóripti.
©Juldizdar.kz
Maıǵazıevtiń qyzyna qoıǵan esimin otandyq oryndaýshy Indıra Rasylhan da óz qyzyna qoıǵan.
©Anyzadam.kz
Aıtysker Aınur Tursynbaevanyń balasynyń esimi - Beglan. Bul nyspynyń túrli maǵynasy bar. Máselen parsy tilinen shyqqan esim, "úlken", "alyp" degen maǵyna beredi degen málimet kezdesti. Sonymen qatar, qazaqtyń Baǵlan degen úndes atyna jaqyndatsaq, týra maǵynasynda "erte týyp, jetilgen qozy", al aýyspaly maǵynasy "jas" degendi bildiredi.
©Instagram.com/m_besbaev
Ánshi, MýzArt tobynyń múshesi Meırambek Besbaev taıaýda ǵana dúnıege kelgen balasyna Ábýhaıyr degen nyspy berdi. Bul esim arab tilinen tikeleı aýdarǵanda "ábý" - "áke" jáne "haıyr" - "qaıyrymdylyq", "ıgilik", "baqytty" degen maǵyna. Bul esim kóbinde "jaqsylyqtyń ákesi", ıaǵnı "jaqsy", "qaıyrymdy" degen tereń maǵynaǵa ıe.
©Vk.com
"Jigitter" tobynyń ánshisi Baǵlan Ábdiraıymov tuńǵysh qyzynyń esimin Aıqarakóz dep ózi qoıǵan. Bul esimniń "Jigitter" tobynyń oryndaýyndaǵy "Aıqarakóz" ánimen baılanysy bar eken. Muny ánshi suhbattarynyń birinde bylaı túsindirgen: "Erteń qyzym ósip, boı jetken kezde: "Atyń nege Aıqarakóz?" dep suraǵandarǵa: "Ákem Aıqarakóz degen ándi oryndaǵan" dep aıtyp júredi. Aınalasyndaǵylarǵa tyńdatady, maqtan tutady..."
©Vk.com
Aıqyn Tólepbergen tuńǵyshyna Ańsar degen naǵyz qazaqy esimdi berdi. Qazaq halqynda ańsap, armandap tapqan balaǵa osy nyspyny qoıýdy ádetke aınalǵan. Ańsar esimi ıslam dininde "kómek kórsetýshi", "qoldaý bildirýshi" degen maǵynada aıtylady. Ańyz boıynsha Medıneniń tól turǵyndary paıǵambar men onyń sahabalary qonys aýdaryp kelgende, ıslam dinin qabyldap, olarǵa pana taýyp bergen degen áńgime bar. Paıǵambar "Basqa adamdar bir jolmen júrse, ańsarlar kelesi jolmen júrse, men ańsarlardyń sońynan barar edim" degen eken..
©Juldizdar.kz
Ánshi, aktrısa, "Arnaý" dýetiniń múshesi Saltanat Baqaeva tuńǵysh uly dúnıege kelgende bir aptadaı esim tańdaı almapty. Kóptegen usynylǵan esimderdiń ishinen laıyqtysyn tańdaý úshin kóp oılanypty. Keıin sábıdiń esimin atasy Ámir dep qoıǵan eken. Ámir - arab tilinen aýdarǵanda "hanzada" degen maǵynany beredi.
©Pandaland.kz
Qazaqstandyq tanymal júrgizýshi Dınara Sátjan qyzyna Dıana degen at bergen. Dıana esimi - Rım mıfologıasynda "aı men ańshylyqtyń qudaıy" delinedi. Latyn tilinen aýdarǵanda "qudaılyq" degen maǵyna beredi. Dıana esimin basqa ulttar Daıana jáne Daıana dep te aıtady. Al telejúrgizýshiniń tuńǵysh ulynyń esimi - Danıal. Bul esim arab tilinen "qudaıdyń syıy" dep aýdarylady.
