Búgin QR premer-mınıstri Baqytjan Saǵyntaevtyń tóraǵalyǵymen 2014 jyly qabyldanǵan 2020 jylǵa deıingi óńirlerdi damytý baǵdarlamasynyń oryndalýy boıynsha jobalar talqylanyp, tapsyrmalar berildi dep habarlaıdy Qamshy.kz aqparat agenttigi. 

Keıin araǵa 4 jyl salyp atalmysh baǵdarlama memlekettik mártebe aldy. Atalmysh baǵdarlamaǵa «Aımaqtardy damytý», «Mono-qalalardy damytý», «Turǵyn úı-kommýnaldyq sharýashylyqty jańǵyrtý», «Qoljetimdi baspana – 2020» baǵdarlamasynyń jobasy engizildi.

Bul baǵdarlama halyq kapıtalyn ekonomıkalyq ósimi joǵary ortalyqtarǵa shoǵyrlandyrýdy kózdep otyr. Sonymen birge baǵdarlama halyqtyń turǵan aımaǵyna da mán bermeı, kerisinshe ınfraqurylymdy damytý arqyly turǵyndardyń ómir súrý sapasyn kóterýdi kózdep otyr.

Jıyn barysynda Ulttyq ekonomıka-mınıstri Tımýr Súleımenov baǵdarlama tolyqtaı júzege asyrylyp jatqanyn aıtty.

«2017 jyldyń qorytyndysyna sáıkes tórt aglomerasıa halqynyń jalpy sany osydan 3 burynǵy ıaǵnı 2015 jylmen salymtyrǵanda 460,1 myń adamǵa ósti jáne 6,2 mln adam boljamynda 6,6 mln adamdy qurady. Byltyr jańa memlekettik josparlaý júıesi bekitilse endigi kezekte soǵan sáıkes barlyq úkimettik baǵdarlamalardy da memlekettik baǵdarlamalar mártebesinde bekitý qajet. Osyǵan oraı qoldanystaǵy Óńirlerdi damytýdyń 2020 jylǵa deıingi úkimettik baǵdarlamasynyń mindetteri men nysanaly ındıkatorlaryn, nátıje kórsetkishterin baqylap, ózekti bolýyna jaǵdaı jasaı otyryp, memlekettik baǵdarlama retinde qaıta formattaý josparlanyp otyr», deıdi Tımýr Súleımenov.

Óńirlerdi damytý ár makroóńirge arnalǵan ınvestısıalyq basymdyqtardy, elimizdiń aýmaqtyq damýyn jetildirýdi, ınjenerlik ınfraqurylymdy jáne turǵyn-úı komýnaldyq sharýashylyqty jańǵyrtýdy jáne halyqty aýyz sýmen jáne sý burý qyzmetterimen utymdy ári tıimdi túrde qamtamasyz etýdi kózdep otyr.

«Kúrdeli jóndeýdi talap etip jatqan kondomınıým obektileriniń úlesin azaıtý jumytary júrgizilýde. 2017 jyldyń qorytyndysyn negizge alsaq, osy kórsetkish Qazaqstan boıynsha ortasha eseppen 2 paıyzǵa tómendep, 25 paıyzdy qurady. Al JAO aqparaty negizinde sýmen jabdyqtaý jáne sý burý jelilerin rekonstrýksıalaý jáne salý nátıjesinde qalalyq jelilerdegi sýmen jabdyqtaýdyń apattylyq koefısıenti 0,35-ke deıin, sý burýda 0,16-ǵa deıin tómendedi. Sonymen birge sý toǵandarynda normantıvtik tazartylǵan aǵyndy sýlardyń úlesi respýblıka boıynsha 91,1 paıyzdy quraıdy. Bul kórsetkish osydan 3 jyl burynǵy kórsetkishten 10,1 paıyzǵa joǵary», dedi Ulttyq ekonomıka mınıstri.

Sonymen birge Tımýr Súleımenov Elbasynyń Óńirlerdi damytýdyń 2020 jylǵa deıingi baǵdarlamasy boıynsha eldi-mekenderdi aýyz sýmen qamtamasyz etý úshin jyl saıyn keminde 100 mlrd teńge bólýdi tapsyrǵanyn da tilge tıek etken bolatyn.

«QR 2025 jylǵa deıingi Strategıalyq damý josparynyń erejelerinen shyǵa otyryp, memlekettik baǵdarlamanyń maqsaty – basqarylatyn kenttený jáne halyqtyń ómir súrý sapasyn jaqsartý boıynsha óńirlerdiń básekege qabilettiligin arttyrý dep anyqtalǵan», - deıdi ulttyq ekonomıka mınıstri.