Kúzdiń qara sýyǵy alqymnan ala bastaǵaly beri «Qorǵas» halyqaralyq shekara mańy yntymaqtastyǵy ortalyǵynda maýsymdyq taýarlarǵa degen suranystyń kóptigi kúnnen-kúnge arta túsýde. Oǵan Qytaı men eki ortada kúndelikti saýda-sattyq maqsatymen qatynaıtyn adamdardyń sany da tórt myńnan asyp jyǵylatyny dálel. Osy oraıda, ary-beri sapyrylysyp jaqtan jolaýshylar kontıngentiniń ishinde  nebir teris pıǵyldy pendeler de az emes. Olar kedendik tekserý kezinde taýarlardy jasyryp ótýdiń nebir  ádisterin qoldanýǵa tyrysady. Sebebi, qymbat baǵaly kıimderdiń kedendik baj salyǵynyń tarıfi joǵary bolǵandyqtan, keden zańyna baǵyný ondaı adamdarǵa onsha tıimdi emes. Sondyqtan da qýlyqtyń qyryq qaltarysyn qoldanýdyń nebir ádisterin oılastyrady. Osyndaı qysyltaıań sátterde birlese ás-áreket etý sharalary ǵana tıimdi nátıje beretini sózsiz.

22 qazan kúni kezekti kedendik tekserý kezinde teris pıǵyldy kontrabandısterdiń jymysqy áreketi kedenshilerdiń nazarynan tys qalmady. Kedenshiler men shekara qyzmeti jáne «Qorǵas» polısıa bólimi qyzmetkerlerimen birlese otyryp áreket etýdiń nátıjesinde 70 dana qymbat baǵaly terilerden (negizinen qundyz) tigilgen syrt kıimder ustaldy. Bul jóninde qamshy.kz aqparat agenttigine Almaty oblystyq memlekettik kirister departamenti «Altynkól» keden beketiniń baspasóz qyzmetiniń ókilderi habarlady.

Qazirgi ýaqytta ustalǵan taýarlardyń kedendik qunyn anyqtaý jáne atalmysh taýarlarǵa qatysy bar adamdardy jaýapkershilikke tartý máseleleri qolǵa alynýda.

Erkin QALDAN