"ArselorMıttal Temirtaý" AQ iri ónerkásiptik kásiporny alǵashqylardyń biri bolyp el Prezıdentiniń jalaqyny kóterý týraly bastamasyn qoldady dep habarlaıdy Qamshy.kz aqparat agenttigi. 

2019 jyldyń 1 qańtarynan bastap kompanıa qyzmetkerleriniń tarıfteri men jalaqylary 8-10% kóteriletin bolady. Sonymen qatar ujymdyq kelisimge sáıkes kompanıa qyzmetkerleriniń jalaqysy 2018 jyldyń qunsyzdaný deńgeıine saı 50% shamasynda ındeksasıalanatyn bolady.

Bul týraly «ArselorMıttal TMD» kompanıasynyń bas dırektory Paramjıt Kalon 26 qazan, juma kúni habarlady.

- Sizder Prezıdentimizdiń Qazaqstandaǵy eń tómengi jalaqynyń 2019 jyldyń 1 qańtarynan bastap kóteriletini jaıly aıtqanyn bilesizder. Biz Nursultan Nazarbaevtyń óziniń alǵashqy eńbek jolyn metalýrg retinde bizdiń kombınattan bastaǵandyǵyn maqtan tutamyz. Biz memleket basshysynyń eń tómengi jalaqyny kóterý jónindegi bastamasyn alǵashqylardyń biri bolyp qoldadyq. Bul sheshim ujymdyq túrde qabyldandy.

Qyzmetkerlerdiń jalaqysyn kóterý «ArselorMıttal Temirtaý» kompanıasynyń barlyq qurylymdyq bólimsheleri men enshiles kompanıalaryn qamtıtyn bolady.

Budan ózge 2019 jyldyń 1 toqsanynda kompanıa óziniń óndiristik nátıjelerine saı 13 jalaqyny tóleıtin bolady.

Paramjıt Kalon 2019 jyldyń 1 qańtarynan bastap "ArselorMıttal Temirtaý" AQ zıandy jumys jaǵdaıynda qyzmet atqaratyn qyzmetkerler úshin jańa eń tómengi jalaqy kólemi salalyq koefısıent esebimen 77 000 myńnan astam teńgeni quraıtyn bolady - dep atap ótti.