Shardara aýdany «Aqqala» demalys aımaǵynyń jaǵalaýynda  alǵash ret «SAFARI SHARDARA» atty festıvál ótti. Aıtýly sharada óńirdiń týrısik áleýetin arttyrýǵa baǵyttalǵan kórme uıymdastyryldy dep jazady Qamshy.kz aqparat agenttigi Túrkistan oblysy ákimdiginiń baspasóz qyzmetine silteme jasap. 

Festıvál balyq aýlaýshylar jarysymen bastaldy. Keıin halyqaralyq deńgeıdegi saıystarǵa ulasyp, bir sátte birneshe sport túrlerinen jarys ótti. Atap aıtqanda, qazaqsha kúres, jelkendi qaıyq, akademıalyq esý, jaǵajaı voleıboly men fýtboly, qol kúresi, gır kóterý, arqan tartý, bórenge órmeleý, qoshqar kóterý syndy jarystardan saıypqyrandar baq synady. Sondaı-aq, qonaqtar Shardara aýdanynyń tarıhymen, aýyl sharýashylyǵy ónimderi jáne ulttyq qolóner kórmesimen tanysty.

Atalmysh sharada Túrkistan oblysynyń ákimi Janseıit Túımebaev ulttyq sportty damytýǵa qosqan úlesi úshin búrkitshi Aısholpan Nurǵaıypqyzyn arnaıy 1 mln teńge kólemindegi aqshalaı syılyqpen marapattady.