Parlament Májilisiniń depýtattary, «Nur Otan» partıasynyń ókilderi aýyl-aýyldy aralap, halyqtyń jaǵdaıymen tanysýdy ádetke aınaldyrǵan. Bul joly depýtattar Qyzylorda oblysyna bardy. İssapardy Parlament Májilisiniń depýtattary bastap, «Nur Otan» partıasy parlamenttik fraksıasy jetekshisiniń orynbasary, Ekonomıkalyq reforma jáne óńirlik damý komıtetiniń tóraǵasy Nurtaı Sabılánov ári Qazaqstan halqy Assambleıasynan depýtat N. Jumadildaevtar qostady.
Depýtattar Qyzylorda oblysyndaǵy birneshe aýyldar men kentterdi aralady. Aqsýat, Aqjarma, Aqjar, Turmaǵambet, Naǵı İlıasov aýyldary men Tasbóget, Josaly, Jalaǵash kentterindegi turǵyndarymen kezdesip qaıtty.
Aıta keteıik, Memleket basshysy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýy jarıalanǵan. Osy Joldaýdyń negizgi mindetterin júzege asyrý barysynda depýtattar aýyl-aýyldy aralap, turǵyndardyń ál-aýqatyn jaqsartyp, Qazaqstannyń odan ári áleýmettik-ekonomıkalyq damýyna yqpal etýge tyrysyp baǵýda. Elbasynyń mundaı Joldaýyna qatysty oblys turǵyndary qoldap, da oń pikirler aıtyp jatty. Oblystardy gazdandyrý, turǵyn úımen qamtamasyz etý, joldardy jóndeý, densaýlyq saqtaý, kásipkerlikti damytý, bilim berýdegi máselelerine qatysty suraqtar qoıdy, ońtaıly sheshilýin surady.
Budan bólek depýtat Nurtaı Sabılánov saılaýshylarǵa Qazaqstan Respýblıkasy Parlamentiniń zań shyǵarýdaǵy qyzmeti týraly tanystyrdy. Ári turǵyndardyń suraqtaryna jaýap berip, máselelerdiń barlyǵy nazarǵa alynǵanyn málimdedi.
Nurtaı Sabılánov sapary barysynda Syrdarıa aýdanyndaǵy Naǵı İlıasov aýylynyń kúrishshilerimen kezdesti, áleýmettik jáne ınfraqurylymdyq nysandarmen tanysty. Qyzylorda qalasyndaǵy «Abzal ı K» seriktestiginiń kúrish óńdeý zaýytynyń jumysymen de tanysty.
Depýtat aýyldardaǵy densaýlyq saqtaý salasyn da nazardan tys qaldyrǵan joq. Qyzylorda qalalyq aýrýhanasy men №3 qalalyq emhanasynyń qyzmetkerlerimen kezdesip, medısınanyń ál-aýqatymen tanysty.
Osylaısha «Nur Otan» partıasynyń depýtattary Elbasynyń Joldaýyndaǵy eń ózektileriniń biri aýyldyq óńirlerdi damytý máselesine bilek sybana kiristi.
