Qazaqstannyń Qytaıdaǵy saýda-ekonomıkalyq mısıasy Sıan qalasynda ótken jyl saıynǵy VII Halyqaralyq satyp alý kórmesiniń bir bóligine aınaldy, dep habarlaıdy Qazaqstannyń Syrtqy saýda palatasynyń baspasóz qyzmeti.
Qytaılyq kompanıalar aýylsharýashylyq ónimderiniń ımportyna, qazaqstandyq maı men balyqqa qyzyǵýshylyq tanytýda. Sebebi, Aspan asty eline un óndirýshilerdi qosa alǵanda, dál osy tamaq ónimderimen aınalysatyn kompanıalar barǵan bolatyn. Qytaılyq taraptan 30-dan astam kompanıalar qatysty.
Saýda-ekonomıkalyq mısıasyn QR Investısıalar jáne damý mınıstrligi, «Atameken» Ulttyq kásipkerler palatasy, Qazaqstannyń Syrtqy saýda palatasy jáne Qytaıdyń Halyqaralyq saýdany damytýǵa járdemdesý komıteti uıymdastyrdy.
İs-shara barysynda eki eldiń bıznes-qaýymdastyqtary ınvestısıa, logıstıka jáne saýda salalaryndaǵy ekijaqty yntymaqtastyqtyń keleshegi zor máselelerin talqylady.
