Garvard jáne Nú-Iorkten kelgen eriktiler qaraǵandylyq balalarǵa aǵylshyn tilin úıretedi. Bul «Nur Otan» partıasynyń bastamasymen qurylǵan «English for Jastar» jobasyna sáıkes júzege aspaq. Búginde joba elimizdiń ár aımaǵynda asa tanymaldylyqqa ıe boldy.
Balalarǵa aǵylshyn tilin úıretip júrgen Garvardtan kelgen erikti Kennet Palmer men Nú-Iorkten kelgen Mırıam Grınfıld qazaqstandyqtardyń bilimge degen qushtarlyǵy joǵary ekendigin aıtady. Qazirgi tańda mamandar Oskarov jáne Nura aýdandarynyń jastaryna aeylshyn tilin úıretýde. Jalpy oblys boıynsha jobaǵa barlyǵy 12 erikti atsalysty.
Qyrkúıekte «Nur Otan» partıasynyń balalardyń bilim deńgeıin erekshe den qoıǵany ári osy oraıda arnaıy jobanyń iske qosylatyny týrasynda habarlanǵan. Búginde 84 aýyldyq aımaqtar men Qazaqstannyń aýdan ortalyqtarynda «English for Jastar» jobasynyń sheńberinde 9-11 synyp oqýshylary aǵylshyn tilin tegin úırene alady. Joba Memleket basshysynyń úshtlidilikti engizý jónindegi tapsyrmasyn qoldaý maqsatynda daıyndaldy. Joba aıasynda oqýshylar aǵylshyn tilinde erkin sóılep, qarym-qatynas mashyǵy da damıtyn bolady.
«English for Jastar» 2018 jyldyń qyrkúıeginen qarashasyna deıin jalǵasady. Pılottyq rejımde ótkiziledi.
♦«English for Jastar» - «Nur Otannyń» jańa jobasy bastaý aldy
Oqýshylarǵa tildi iriktelgen otandyq mamandar ótkizetin bolady. Olardy irikteıtin «Jas Otan» jastar qanaty. Elimizde úshtildilikti damytýǵa nıet bildirgenderdiń sany kún sanap artyp keledi. Búginde 141-ge jetip qaldy. Olardyń 75-i Qazaqstanda joǵary bilim alyp jatqan stýdentter.
Sondaı stýdentterdiń biri Abaı Myrzahmetov atyndaǵy Kókshetaý ýnıversıtetiniń 4 kýrs stýdenti Mıras Ózbekov. Ol endi óziniń «Zelenyı bor» aýylynda ustaz bolý múmkindigen ıe boldy.
Maqsaty – aýylyndaǵy balalardyń bilimdi bolyp ósýine úles qosý.
«Aýyldaǵy balalarǵa aǵylshyn tilin úırete otyryp, men ózimniń bilim deńgeıimdi arttyramyn dep úmittenemin. Bul joba men úshin taptyrmas tájirıbe bolaıyn dep tur», - dedi Mıras.
Partıa hatshysy Tamara Dúısenovanyń aıtýynsha, mundaı fakúltatıvterle oqýshylar mektepke qaraǵanda anaǵurlym tereńirek bilim alatyn bolady. Ári taıaýda shet elden keletin eriktilerdiń de jobaǵa aralasatynyn aıtyp ketken.
Endi, mine, joba óz aǵymymen júrip jatyr. Sheteldik eriktiler kelip, qazaqstandyq oqýshylardyń aǵylshyn tilin jattyqtyrýǵa atsalysýda.
Joba aıasynda barlyq aýdandarǵa qajetti oqý quraldary jetkizildi. Elementery, Pre-Intermediete. Student`s book, Workbook syndy oqý quraldarymen qatar, aǵylshyn tilindegi fılmderdiń dıskileri de bar.
«Jas Otan» Jastar qanaty men «Bolashaq» qaýymdastyǵy jobanyń uıymdastyrýshylary boldy. Jobaǵa akademıalyq kómekti «InterPress» til ortalyǵy kórsetti. Olardyń Oxford University Press (Anglıa) baspasynyń «Solutions» oqýlyǵy boıynsha, oqytýshylar qosymsha til syndyrady. Sondaı-aq, «AIESEC» halyqaralyq uıymy, «Bilim berý lıderliginiń ortalyǵy» JSHS, «Nazarbaev Ýnıversıteti» AQ, «Qazaq Air» áýekompanıasy AQ, «Meloman HOME VIDEO» JSHS, ál-Farabı atyndaǵy QazUÝ, «4KZTours» QR ishki týrızmdi damytý jónindegi amerıkandyq kompanıasy jobaǵa áriptestik tanytty.
