Beeline abonentin qoldanatyn tutynýshylary, Qazposhta operatorynyń qyzmetin alǵannan keıin uıaly telefonynyń IMEI-kodyn tirkete alady. Bul týraly mobıldi operatordyń PR-qyzmeti habarlady.

«Qazposhta» AQ men Beeline óz tutynýshylary úshin osyndaı sheshim qabyldady. Ol úshin abonentter USSD arqyly Qazposhtanyń tabeldik nómiri bar JSN-dy jiberý kerek.

Mundaı ádis zeınetkerlerge, sondaı-aq múmkindigi shekteýli jandar úshin qajetti jeke málimetterdi bazaǵa engizýge kómektesedi.

«Biz bazany tolyqtyrý jumystaryn osy jyldyń naýryz aıynan bastadyq, ázirge bul ádis sátti júzege asyrylýda. 2019 jyly kúshine enetin zań boıynsha barlyq abonentter tutynýshylary tirkeýde bolý kerek ekenin barshamyz bilemiz. Sol sebepti biz bar kúshimizdi salyp óz tutynýshylarymyzdy tirkeýge alyp jatyrmyz. Beeline kompanıasy úshin árbir abonenttiń orny erekshe» – dep túsindirip ótti buqaralyq naryqty damytý jónindegi komersıalyq dırektor Evgenıı Nastradın.

Tirkeýge alýdyń mundaı ádisi úshin arnaıy komanda jasaldy. Ol USSD *693*JSN*010000*123456#, sońǵy 12 san «Qazposhta» AQ-nyń qyzmetkerleriniń tabel nómiri.

Derekterdi tirkeýge alý mindetti túrde qoldanýshy abonentterdiń kelisimi arqyly júzege asyrylady.

Barlyq abonentter ıesi ózderiniń uıaly telefondaryn jeke JSN-ne tirkeý mindetteledi. Mobıldi operatorlar barlyq abonetter boıynsha aqparatty birińǵaı memlekettik derekter bazasyna engizý qajet.

Esterińizge sala ketelik, bul derekter bazaǵa túspegen jaǵdaıda 2019 jyldyń 1 qańtarynan bastap mobıldi operatorlar mundaı nómirlerdiń qyzmetin avtomatty túrde toqtatady.