Elimizdegi iri megapolısterdiń biri – Shymkentte «Qazposhta» AQ-nyń sıfrlyq keńsesi ashyldy. Bul Qazaqstandaǵy 7-shi sıfrlyq keńse.

Poshta qyzmetiniń barlyq túri sıfrlyq júıede kórsetiledi. Gıbrıdti bankomat, poshtamat, tólem termınaly, elektrondy qyzmetter jumys isteıdi. Onda tek qana 2 keńesshi ǵana azamattarǵa kómek kórsetedi. Barlyq tólemder, sálem-saýqat jiberý jáne alý sıfrlyq túrde 2-3 mınýttyń ishinde jasalady.

Jańa keńse azamattarǵa jaılylyq pen sapaly qyzmet usynady. Ondaǵy qyzmetterdiń barlyǵy tolyqtaı avtomattandyrylǵan.

«Bizdiń basty maqsatymyz – azamattarǵa sıfrlyq tehnologıa boıynsha qyzmet kórsetý. Máselen, bizdegi kez kelgen bólimshede 20 adam jumys isteıdi. Al munda tek 2 keńesshi bar. Basqa qyzmetterdiń bárin avtomattandyrylǵan robottar atqarady. Eki qyzmetker arnaıy oqýdan ótken. Oǵan qosa bólimge kelgen azamattar ózderiniń sıfrlyq saýattylyǵyn kóteredi», – deıdi «Qazposhta» AQ Basqarma tóraǵasy Sáken Sársenov.

Ulttyq operatordyń mundaı keńseleri búginde Almaty, Astana, Aqtóbe jáne Qaraǵandy qalalarynda bar. Al aǵymdaǵy jyldyń sońyna deıin Qostanaıda ashylatyn bolady.

Sondaı-aq, Qazposhta megapolıste elektrondy saýdany damytpaq nıette. Aldaǵy ýaqyttarda sıfrlandyrýǵa qatysty jobalar boı kótermek.

«Biz qala ákimi Ǵabıdýlla Rahmatýllaulymen sıfrlandyrýdyń jobalaryn Shymkentte engizý týraly kelisim jasadyq. Ol mynadaı jobalar: e-KSK, barlyq komýnaldy tólemderdi bir túbirtekke biriktiretin – biryńǵaı tólem qujaty, áleýmettik karta jáne úılerdiń jańa ındeksi», - dep jazady S. Sársenov óziniń Facebook paraqshasynda.