«Qazposhta» AQ-nyń 16 suryptaý ortalyǵy LEAN-mádenıetin qoldanýda. Mundaı únemdi óndiris tehnologıasyn (Lean-júıesi) engizý ulttyq operatorǵa paıdaly óndiristik obektterin óńirlerde 70%-ǵa deıin keńeıtýge múmkindik berýde. Bul jóninde Qazposhtanyń Facebook-tegi paraqshasynda habarlandy.

Poshtalyq sálemdemelerdi óńdeý barysynda úlken habtardy óńdeý eki aptadan bir táýlikke deıin qysqartyldy. Al aımaqtyq suryptaý ortalyqtarynda – 24 saǵattan 12 saǵatqa deıin tómendegeni belgili bolyp otyr. Osynyń arqasynda qyzmetkerdiń ónimdilik tıimdilik kórsetkishi eki ese artty.

Bıznes-úderisterdi ońtaılandyrý Qazposhtanyń 16 suryptaý ortalyqtarynda Transformasıa baǵdarlamasy sheńberinde júzege asyrylýda. Osynyń nátıjesinde ortalyqtardyń ishinde ártúrli bólimderdi ornalastyrý qaıta qaralýda. Sondaı-aq, poshtany suryptaý operasıalary avtomattandyryldy, tasymaldaý azaıtylyp, shyǵyndar joıyldy.

Sonymen qatar, budan basqa, shamamen 1500 suryptaýshylar jáne poshtashylar LEAN-mádenıetin arnaıy oqytý ádisteri boıynsha kýrstardan ótti. Al úzdik mamandar shetelderden, atap aıtsaq Reseıde jáne Germanıada ótken bolatyn. Bul óz kezeginde qyzmetkerlerge únemdilik júıesin tıimdi paıdalanýdy jáne Lean-oılaýdy qalyptastyrýǵa múmkindik berdi.