Qarasha aıynda sınoptıkalyq prosesterdiń jıi almasýyna baılanysty kún-raıy qubylmaly bolady, dep habarlaıdy Qamshy.kz aqparat agenttigi RMK "Qazgıdrometke" silteme jasap.

Aıazdy jáne jyly kúnder alma kezek aýysyp jaýyn-shashyndy, uıytqymaly jel soǵyp, kóktaıǵaq bolady, túnde jáne tanerten tuman kútiledi.

Alǵashqy on kúnde aıaz bolady.

Soltústikte túnde 5...15 aıaz, kúndiz 0...8 aıaz bolady;

Ońtústikte túnde 0...7 aıaz, kúndiz 0...5 aıaz bolady.

Kelesi on kúnde aıaz qattyraq seziledi

Aýa temperatýrasy tek Pavlodar men Shyǵys Qazaqstan oblystarynda  1°S tómen bolady dep kútiledi.

Aılyq jaýyn-shashyn mólsheri Qyzylorda oblysynda, Ońtústik Qazaqstan, Jambyl oblystarynyń soltústik jartysynda mólsherden az, Soltústik Qazaqstan, Aqmola, Pavlodar oblystarynda, Qostanaı oblysynyń soltústiginde, Shyǵys Qazaqstan oblysynyń keı jerlerinde, Almaty, Jambyl jáne Ońtústik Qazaqstan oblystarynyń taýly jáne taý bókteri aýmaqtarynda mólsherden kóp, qalǵan aımaqtarda – qalypty mqlsherde jaýady.