Jasandy ıntellekttiń ( ári qaraı –AI) telejúrgizýshi retindegi tusaýy Qytaıdyń shyǵysyndaǵy Chjeszán aımaǵynda kesildi dep habarlaıdy xinhuanet.com. 8 qarasha kúni Chjeszánda ótip jatqan besinshi dúnıejúzilik ınternet-konferensıada AI jańalyq oqyp, óziniń múmkindigin pash etti.

AI-dy qarapaıym er azamatpen shatastyrý ońaı. Qımyl-áreketinde de jasandylyq joq. Tikeleı efırdegi vıdeolardy kórip otyryp, mátin qurastyryp, kádimgi júrgizýshi qusap tilshilik qyzmet atqara alady.

Ony oılap tapqan Sınhýa aqparat agenttigi men izdeý júıesindegi Sogou.com qytaılyq kompanıasy.

Bul syrbaz «jigitti» dúnıege ákelgen Sınhýanyń aıtýynsha, ujymnyń bir múshesine aınalǵan ol 24 saǵat boıy úzdiksiz saıtta jáne basqa da áleýmettik medıa platformalarda tynbaı jumys jasaı alady. «Sol arqyly jańalyqtardyń ózindik baǵasy kemip, ónimdilik artady» deıdi sınhýalyqtar.