Almatyda jazýshy Táken Álimqulovtyń 100 jyldyǵy atalyp ótti.

Búgin qazaq ádebıetinde ózindik erekshe qoltańbasy qalǵan Táken Álimqulovtyń 100 jyldyq mereıtoıyn qalam terbegen qaýym men ádebıet maıtalmanynyń jaqyndary atap ótti.

Jazýshylar odaǵynda bolǵan keshke Mádenıet jáne sport mınıstrliginen kelgen quttyqtaýdan bastap, jazýshy, aqyn ári ádebıet synshysy Táken Álimqulovtyń  jerlesterinen bir top delagasıa qatysty.

Asa kórnekti jazýshy shyǵarmashylyqqa 1941 jyly zaýytta jumys istep júrgende bet bura bastaǵan. «Ońtústik Qazaqstan» ,»Lenınshil jas» gazetinde qyzmet etti. «Sapar» alǵashky óleńder jınaǵy 1950 jyly jaryq kórdi. Aıta keteıik, Táken Álimqulov fransýz ertegisi, orys jáne ázerbaıjan aqyndarynyń óleńderin qazaq tiline aýdarǵan.

«Men ony úıiri joq kókjal dep aıtar edim,. Solaı bop keldi, solaı bop ótti dúnıeden. Onyń «Aq boz at» degen shyǵarmasy búkil ádebıetimizdi dúrliktirip, úlken qozǵalysqa túsirgen. Odan keıin «Tulpardyń taǵdyry» degen eki romany bar. Qalǵandary povestter, áńgimeler. Týyndylarynyń qaı-qaısysyn alsańyz da, boz dalanyń ıisi burqyrap turady», – dedi aqyn Ospan Seıfolla.