Almatyda Medeý aýdanynyń túlekteri bas qosty. Túrli salada jetistikke jetken azamattar, qoǵam qaıratkerleri men kásipkerler aýdandaǵy mektepterdi damytý máselesin talqylady.

Osymen úshinshi jyl qatarynan uıymdastyrylyp otyrǵan forýmnyń maqsaty – aýdanǵa ınvestısıa tartý. 500 túlek jınalǵan forýmda «Nurly jer» baǵdarlamasy aıasynda quny 35 mıllıon teńge bolatyn jabyq fýtbol alańy salynatyny belgili boldy.  

«Jalpy, 2 jyldyń qorytyndysy jaman emes. Aýyz toltyryp aıtatyndaı jumystar bar. 160 mıllıon teńgeden astam ınvestısıalar tartyldy. Onyń ishinde, 5 jabyq fýtbol alańy, 1 balabaqsha, 1 mektep salyndy. 2-3 mektepke kúrdeli jóndeý jumystary osy ınvestorlardyń esebinen júrgizildi», – dedi Almaty qalasy Medeý aýdanynyń ákimi Erjan Jylqybaev.