«Jastarǵa ónerkásip salasyna qajetti mamandyqty ıgerýge múmkindik berý - Úkimettiń basty mindeti». Prezıdenttiń bıylǵy joldaýda aıtqan bul sózin almatylyq jastar da qoldaıdy. Olar bul bastama jastarǵa bolashaqta óz jolyn tabýǵa múmkindik beredi dep senedi.

Búgin Almatydaǵy Kásipodaq federasıasynda ótken konferensıada joldaýdyń negizgi baǵyttary talqylandy. Aıta ketsek, 5 qazanda Elbasy joldaýynda jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek ekenin aıtqan bolatyn. Sondaı-aq, Prezıdent keler jyldy Jastar jyly dep jarıalady. Kásipodaq músheleri bıylǵy joldaý naqty tapsyrmalarymen jáne olardy sheshý joldarymen erekshelendi deıdi.

«Biz jastar tarapynan Elbasynyń úlken senimin kórip otyrmyz. Sonymen qatar, jastarǵa úlken múmkindikter ashylyp jatyr. Qazirgi jastardyń turǵyn úı máselesi, shaǵyn jáne orta bızneske arnalǵan nesıeler, osynyń bári elimiz jaǵdaıynyń jaqsarýyna áser etetinine senimdimiz», – dedi «Almaty qalasy Kásipodaqtar ortalyǵy» aýmaqtyq kásipodaq birlestiginiń ókili Erjan Baıanbaev.