527 mıllıard teńge. Bul Almaty qalasynyń 2018 jyly qaıta qaralǵan qarjysy. 1 qazandaǵy jaǵdaı boıynsha kiris kólemi 422 mıllıardtan asyp jyǵylsa, 367 mıllıard teńge jumsalǵan.

Qalalyq qarjy basqarmasynyń bergen málimetine sáıkes, memlekettik satyp alýda turalap qalǵan máseleler joq. Tek birneshe kósheniń qurylysy úshin jer ýchaskelerin satyp alý boıynsha sot prosesteri júrip jatqan kórinedi. Aıta keteıik, qalalyq máslıhattyń 25-shi sesıasynda qabyldanǵan Almaty búdjeti 2017 jyldyń jeltoqsanynda 431 mıllıard 200 mıllıon teńgeni quraǵan bolatyn.  

«1 mıllıard 400 mıllıon teńgeni jumsaý boıynsha azdaǵan kidirister bar. Bul qarjy jol aıryqtary men kóshelerdi uzartý jumystary úshin qajetti jer ýchaskelerin memleket paıdasyna qaıtarý úshin belgilengen. Sot prosesteri júrip jatyr. Atalǵan somany tolyqtaı ıgerýimiz kerek», – dedi Almaty qalasy Qarjy basqarmasynyń basshysy Aınur Qudaıbergenova.