Almatyda qaterli isik túrin anyqtaıtyn jeke emhana ashyldy.

Medısına taqyrybynda taǵy bir jańalyq. Almatyda koreıalyq jeke emhana ashyldy.

Ońtústik Koreıa mamandarynyń qoldaýymen ashylǵan ambýlatorlyq emdeý ortalyǵy juqpaly jáne genetıkalyq aýrýlardy emdeýden bólek, qaterli isik túrin de jyldam anyqtaıdy. Jańa emhana qyrýar qarjy jumsap, shetel asatyn naýqastar sanyn azaıtyp, olardyń ýaqytyn únemdeýge de mol múmkindik bermek.

Emhanaǵa qajetti jabdyqtar Sıngapýrden jetkiziledi. Medısınalyq mekeme qyzmet sapasyn arttyrý maqsatynda Seýldegi aldyńǵy qatarly ulttyq ǵylymı ortalyqtarmen birlese jumys júrgizedi. Biraq ortalyqta kardıologıa, júıke aýrýlary, terapıa, gınekologıa, pedıatrıa syndy qyzmet túrleri kórsetilgenmen, hırýrgıalyq operasıalar jasalmaıdy.  

«Biz bolashaqta Qazaqstannyń barlyq aýmaǵynda ǵana emes, TDM elderinde de bólimshelerimizdi ashýdy josparlap otyrmyz. Medısınalyq qyzmet túrimen qatar farmaseptıka salasynda damytý kózdelgen», – dedi medısınalyq ortalyqtyń dırektory Mın Hısýk.