Qarashanyń 3-inde Qazposhtanyń Robopost keńsesinde «Onlaın shopıngke arnalǵan laıfhak» ótti. Elimizde tuńǵysh ret uıymdastyrylǵan aıtýly shara TMD aýmaǵynda da buryn-sońdy bolmaǵan kórinedi. Munda onlaın saýda tutynýshylaryna arnalǵan qundy keńester aıtyldy.
Spıkerler onlaın naryqta ájeptáýir jetistikke jetken, osy salanyń qyry men syryn biletin mamandar. Bul basqosýda taýarlardyń 4 kategorıasy sóz bolyp, onlaın naryqtaǵy biz bile bermeıtin qupıalardyń basy ashyldy. Máselen, Aııa Jamı kıim-keshek salasy boıynsha onlaın jeńildikterdi aıtsa, Maksım Iakımenko túrli gadjetterdi qalaı tómen baǵaǵa alýǵa bolatynyn aıtyp berdi. Al Aıgerim Muhamedjanova balalarǵa arnalǵan kıimderdi oılaın saýda arqyly alýdy baıandap, Erulan Izmaılov sportqa ne qajet, ne paıdaly degen suraqtarǵa jaýap berdi.
Onlaın saýdanyń artyqshylyqtary
«Birinshiden, bul óte yńǵaıly ári ýaqytty únemdeıdi. Ekinshiden, artyq kúsh jumsamaısyz jáne az shyǵyndalasyz. Úshinshiden, onlaın shopıng sizdiń garderobyńyzda joq kıimderdi usynady. Bul degenimiz kıimniń ólshemin taba almaıtyndar úshin, uqsas kıim almas úshin aıtarlyqtaı septigin tıgizedi. Tapsyrys kezinde mindetti túrde promokodty Google-dan terip, arnaıy qarańyz. Óıtkeni, jetkizý aqysy tegin bolýy múmkin nemese keıde 20-30 paıyz kóleminde jeńildikter qarastyrylady. Amerıkalyq taýarlarǵa ásirese jeltoqsan aıynyń 20-nan keıin jeńildikter bolady. Postomattar arqyly tapsyrys berseńiz, úıińizdiń janynan óz taýaryńyzdy alyp ketesiz», – dedi A. Jamı.
Saýda men elektrondy saýdanyń aıyrmashylyqtary
Gadjetter kategorıasy boıynsha Maksım Iakımenko aıtyp berdi. Ol naryqtaǵy telefonnyń baǵasy men onyń ınternet-dúkendegi baǵasyn salystyrýdan bastady.
«IPhone XS-tiń 64 GB Technodom-da 540 myń teńge turady, al ComputerUniverse degen portalda onyń quny 140 myń teńgege arzan, ıaǵnı, 400 myń teńgeni quraıdy. Mundaǵy erekshelik – 2 aptada jetkiziledi. Al Technodom-daǵy erekshelik – siz smartfondy nesıege ala alasyz», – dedi M. Iakımenko.
Keńester
Eger de ınternet-dúken týraly eshqandaı pikir bolmasa mamandar taýar satyp almaýǵa keńes beredi. Sondaı-aq, onlaın saýdagerge túrli saýaldaryńyzdy qoıyp, jeńildikter týraly sýraýlaryńyzǵa múmkindik bar. Jappaı satylymdar jıi bolyp turady (jeńildikter túni, merzimdik jeńildikter jáne t.b.). Buǵan qosa, onlaın saýdagerlerdiń reıtıńin qarap tapsyrys berý – kóp keleńsizdikter qutqarady. Internet-dúkenderdiń mobıldi qosymshalaryn qoldaný óz kezeginde mobıldi bonýstardy jınaıdy (Máselen, AliExpress.com).
İs-sharanyń aıasynda shotynda 25 myń teńgesi bar brendtik karta oınatyldy. Ol úshin qatysýshylar ózin sýretke túsirip (selfı) #menonlaınsatypalamyn degen heshtegpen áleýmettik jelige (Instagram, Facebook) júkteýi tıis bolǵan edi. Sáıkesinshe, qazylar alqasy eń kreatıvti sýretti tańdap alyp marapattady.
