SHQO, Shemonaıha aýdanynyń 19 jastaǵy turǵyny kóshede júrgen úısiz adamdy, ıaǵnı bomjdy uryp-soǵyp artynan tirideı órttep jibergen.
Jas jigit Pervomaı aýylynan Glýbokoe kentine jumys izdep kelipti. Alaıda jumys berýshi ony mańyna da jolatpaǵan. Amaly taýsylǵan ol ashýyn ashshy sýdan almaqshy bolyp dúkennen bir shısha araq alady da, jol jetindegi betonǵa jaıǵasa ketedi. Sol mańaıda jergilikti qańǵybas júrgen bolatyn. Ekeýi araqty birge ishedi.
Alaıda otyrys uzaqqa barmaǵan sıaqty. Oǵan sebep jas jigittiń qańǵybas ishken staqqanan araq ishkisi kelmegeninen bolǵan. Bomjda da namys bar, ol bótelkelesiniń ózinen jıirkenip turǵanyna qorlanyp, oǵan renishin bildire bastaǵan. Áńgimeniń arty tóbeleske ulasyp, jas jigit óz qarsylasyn áp-sátte tepkiniń astyna alady. Qańǵybastyń basyn betonǵa soǵady, ony bótelke shynysynyń synyqtarymen tilgilep tastaıdy. Es-tússiz jatqan adamnyń kıimin ústine jaýyp ot qoıady da, oqıǵa ornynan taıyp turady. Artynan saraptama anyqtaǵandaı, qańǵybastyń ólimi qatty otqa kúıý saldarynan bolǵan. Kúdikti eki kúnnen keıin qolǵa tústi. SHQO mamandandyrylǵan soty qylmyskerdi 10 jylǵa bas bostandyǵynan aıyrdy.
Pikir qaldyrý