Búgin "Qamshy" portalynyń jýrnalıseri Qaraǵandy oblysyndaǵy sel tasqynynan keıingi ahýaldy bilmek bolyp, Qaraǵandy oblysynyń TJD baspasóz qyzmetine habarlasty. Resmı organnyń baspasóz qyzmetinen jaýap bolmady. Sodan oblys ákiminiń baspasóz qyzmetine habarlastyq. Ákishilik qyzmetkeri Olga Kabargına hanym bizge oblystyq "Jumyldyrý jumysy jáne TQK bóliminiń resmı aqparatyn jetkizdi (Oblystyq TJD atalmysh bólimniń quramyna kiredi).

Abaı aýdany

9 sáýir kúni Abaı aýdanynda kúnniń kúrt  jylynýnan aımaqta sel júrip, 4 turǵyn úı, 3 balabaqsha jáne 1 aýrýhana laıdyń astynda qalyp, jáne 4 turǵyn úı jaryqsyz qalǵan.  Atalmysh jerge TJD 19 tehnıka men 28 adam kúshi jumyldyrylǵan.

10 sáýir kúni "Jumabek" plotınasy jarylyp, aımaqta tolyqtaı tótenshe jaǵdaı jarıalanǵan. Jumabek Kýrmınskıı aýyldyq okrýginiń  17 jeke turǵyn úıin  sý shaıyp, qoldanýǵa jaramsyz hálge túsken.  TJD 17 tehnıka men 90-ǵa jýyq adam kúshin jumyldyryp, 61 aýyl turǵyny qaýipsiz aımaqqa shyǵarylǵan. Sol kúni, alapat sel "Jezqazǵan-Qyzylorda" baǵytyndaǵy respýblıkalyq trassa arqyly aımaqtyń basqa da óńirlerine jaıylǵan. Oqıǵa ornyna jetken TJD qyzmetkerleri dambylar ornatyp, turǵyndardy qaýipsiz aımaqtarǵa kóshirgen. Atalmysh aımaqtarda  zardap shekken turǵyndar tirkelmegen. Alaıda, turǵyndardyń keıbiriniń úıleri paıdanaýǵa jaramsyz hálge túsken.

Sondaı-aq, "Topar" sý qoımasy jarylyp, Qulaıǵyr aýylynda -10 úı, Qoıandyda -29 úı, Sherekti ózeniniń boıynda ornalasqan Khksý aýylynda -21 úı topan sýdyń astynda qalǵan. Aımaqta TJD qyzmetkerleri jetkenshe 113 turǵyn sel qorshaýynda qalyp qoıǵan.

Jalpy Abaı aýdanyndaǵy sý tasqynynan 3196 adam qaýipsiz aımaqtarǵa kóshirilip,  4179 mal basy sýdan shyǵarylǵan.

Asqarov aýdany

12 sáýir kúni Asqarov aýdanynda tótenshe jaǵdaı jarıalanǵan. Aımaqta ornalasqan birneshe aýyldyq okrýgterdi sý shaıyp, 51 turǵyn úı sýdyń astynda qalǵan. Sonymen qatar, 1710 adam men 296 bas mal qaýipsiz aımaqtarǵa shyǵarylǵan. Asqarov aýdanyndaǵy sýdyń bıiktigi 30 sm-ge deıin jetken.

Nura aýdany

11 sáýir kúni Nura aýdanynda tótenshe jaǵdaı jarıalanǵan.  Sel saldarynan 18 jol ýchaskileri zaqymdanǵan.  432 turǵyn sý shaıǵan aımaqtan shyǵarylyp, 100-ge tarta TJD qyzmetkerleri jumys jasaýda. Atalmysh aımaqtarda mektep, balabaqsha, arýhana sekildi birqatar áleýmettik mekemeler zaqymdanǵan. Qazirgi ýaqytta turǵandar ózge aımaqtardaǵy týystarynyń úıin panalaýda. Al aımaqta qalǵan eriktilerde quralǵan jasaqtar damby qurý, qapqa topytaq toltyrý sekildi jumystardy atqarýda.

Temirtaý qalasy

9 sáýir kúni Temirtaý qalasynda tótenshe jaǵdaılar dambyly qaǵalǵan. Alaıda dabyl qaǵylǵan mezette sel júrmegen. Temirtaýlyq TJD qyzmetkerleri saqtyq sharalary retinde qala boıynsha dabyl belgisin qaqqan.

10 sáýir kúrt qar erip, qalada sel júrgen. Oqıǵa keshki saǵat 17:00 shamasynda bolǵan. Qaýipti barlyǵy 865 adam qaýipsiz aımaqqa shyǵarylǵan. Olardyń 276-sy kishkene náresteler bolǵan.

Shahtınsk qalasy

12 sáýir kúni keshki saǵat 18:00 shamasynda Shahtınsk qalasynda tótenshe jaǵdaı dabyl qaǵylǵan. Sel tasqyny júrgen qaýipti amaqtan barlyǵy 135 adam shyǵarylǵan. Al 122 adam óz erkiterimen qaldan shyǵyp ketse, 45 adam baspanalaryn tastap qashýdan bas tartqan.

Atalmysh óńirlerde kún raıynyń kúrt jylynýynan aýa temperatýrasy 29-30 gradýsqa deıin kóterilgip,  saldarynan jıyntyq qarlar men muzdar erip, óńirlerde tótenshe jaǵdaı jarıalanǵan.  QR TJM  Respýblıka aýmaǵyndaǵy barlyq TJB qyzmetkerleri dabyl qyzmeti rejimine aýysqan.

Nurkeldi Ábdiǵanıuly

"Qashmy" silteıdi