Bul týraly málimetti Bolot Shamshıevtiń ózi Azattyqtyń qyrǵyz qyzmetine rastap, Bishkektiń aýdandyq ishki ister bólimine aryz jazǵanyn aıtty.

Onyń sózinshe, 8 qarasha kúni keshkisin rejıser turatyn úıdiń aýlasynda turǵan kólikti urlap ketken. Bolot Shamshıev birden mılısıaǵa habar bergen. Keıin quqyq qorǵaý organdary kólikti Shý oblysy, Moldovanov aýylynan tapqan. Biraq kólikti órtep jibergen.

Rejıserdiń aıtýynsha, kólikten eshnárse almaǵan. «Mersedes» markaly kólik 1989 jyly jasap shyǵarylǵan. Bul kólikti oǵan 1993 jyly ataqty jazýshy Shyńǵys Aıtmatov Benılúkste Qyrǵyzstannyń elshisi bolyp turǵanda, syıǵa tartqan. Aıtmatov kóliktiń qujattaryn rásimdep, Qyrǵyzstanǵa jetkizýge kómektesken eken. Bolot Shamshıev urlaǵan adamdar kóliktiń men úshin asa qymbat ekenin bilip, ádeıi órtedi dep esepteıdi.

Qyrǵyz SSR jáne SSSR halyq ártisi Bolot Shamshıev qazir 77 jasta. Ol «Qarash asýyndaǵy atylǵan oq», «Ystyq-kóldegi qyzyl qyzǵaldaqtar», «Aq keme», «Mahabbat jańǵyryǵy», «Jaraly tyrnalar» jáne t.b. fılmder túsirgen