Bir kún buryn ulttyq aqshamyzdyń týǵan kúnin toıladyq. Ultttyq valútamyzdy týǵan kúnimen quttyqtaı otyra syn aıtýǵa májbúrmiz.

Ulttyq aqshamyz dúnıege kelip, tól teńgemizge Uly Atalarymyzdyń beınesin  saldyq. «Óli jebemeı, tiri baıymaıdy» dep, júregimiz jaryla qýandyq. Alǵashqy jyldary bári sátti bastaldy. Táýelsizdigimizdi aıqyn sezinip, júregimizde úmit oty alaýlap jandy. Alaıda, orys tildi bıliktiń yqpalymen teńgemizden Uly Atalarymyzdyń beınesi alynyp tastalyp, teńgemizge otarlaýshy eldiń tilin qosyp, ony «mýzeı»  men «zooparkke» aınaldyrdyq jáne onyń taǵdyryn «rúblge» qosaqtap, baılap berdik. Ol az bolǵandaı, qaryz suraǵan alaqannyń sýretin saldyq. Ony biz qazir sypaıylap «ınvestısıa» dep atap júrmiz. Qorytyndysy teńgemiz 800 paıyzǵa qunsyzdandy. Áli de toqtamastan quldyrap barady. Teńgeniń qunsyzdanýy, sol sebepten tutyný taýarlarynyń tolassyz qymbattaýynyń aıaǵy qarapaıym halyqty kedeıshilikke aparyp soqtyrýda.

27 jyl boıy elimizdiń Qarjy mınıstri «teńgemiz qundy, eshqandaı ınflásıa joq» dep aldaýmen  keledi. Osy málimdeýlerdiń aqıqatyn saralasaq:

1993 jyly 15 qarasha da tól teńgemiz aýysqanda,

1 AQSH dollary – 4 teńge 47 tıyn bolǵan eken. (1993 jyl). Ol kezde teńgeniń eń joǵary kýpúrasy –100 teńge boldy.

Búgingi tańda 1 AQSH dollary – 370 teńgeni qurap otyr. (qarasha 2018 jyl) Qazirgi ýaqytta teńgeniń eń joǵary kýpúrasy – 20 000 teńge boldy.

10 jyldan keıin teńgemizdiń quny 1 AQSH dollaryna shaqqanda – 500 teńge bolyp, eń joǵary kýpúramyz – 100 000 teńge bolsa tań qalýǵa bolmas.

Memleket halyq aldyndaǵy ózderiniń áleýmettik mindetterin oryndamady.

 Mámbetkárim Qarjaýbaıuly