Jolserikter men júrgizýshilerdiń jalaqysyn ósirýdegi maqsat-qalalyq avtobýstarda elektrondy bılet júıesiniń tıimdi engizilýi, dep xabarlaıdy Atyraý qalasy ákiminiń baspasóz qyzmeti. 
Bul týraly "Smart-Atyraý" KMM basshysy Ádilbek Tankıev málimdedi. Málimdemeshiniń aıtýynsha, aǵymdaǵy jyldyń qarashasynan bastap qoǵamdyq kólik júrgizýshileri 110 myń teńge ornyna 300 myń teńge jalaqy alatyn bolady, jolserikter jalaqysy 45 myń teńgeden 85 myń teńgege ósken.

-Bul sharalar qoǵamdyq kólikterde jolaqy tóleýdiń elektrondy júıesiniń óte tıimdi engizilgendiginen qolǵa alyndy. Jolaýshylardyń qozǵalysyn basqarý, tasymaldaýshy mekemeler kiristeriniń ashyqtyǵy, sondaı-aq búdjetke salyq túsimderin arttyrý úshin. Jalaqy barlyq tasymaldaýshy mekemelerdiń emes, tek sanaýly mekemelerdiń júrgizýshileri men jolserikteri úshin ǵana ósti,- dedi Ádilbek Tankıev. 

Aıta keteıik, qazirgi tańda elektrondy bılet júıesi 6 avtobýsqa engizildi - 2,14,5,12,4,10. 1 jáne 20 avtobýstarda júıe 1-2 kúnde iske qosylady. Jolaqy tóleý kartasyn qaladaǵy iri saýda oryndarynda ornalasqan 11 núkteden ala alasyz. Sonymen qatar, jolaqyny 7 tólem júıesi arqyly tóleýge bolady.

-Biz kólik júrgizý sanaty sáıkes keletin júrgizýshilerdi kelisimshartqa otyrýǵa shaqyramyz,- dep tolyqtyrdy Ádilbek Tankıev.